СУТ дубора аз афзоиш ёфтани бемории COVID-19 дар ҷаҳон дар як ҳафтаи охир хабар дод
ДУШАНБЕ, 10.03.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 388 ҳазор афзоиш ёфта, аз 118,16 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).
Ба ҳолати соати 10:00 (ба вақти Душанбе)-и 10 март, ба СУТ дар бораи 118 161 819 сироятшуда ва 2 622 136 фавт маълумот расидааст. Шумораи гирифторони ин беморӣ шабонарӯзи охир 388 611 нафар ва фавтидагон 8 970 нафар афзудааст.
Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 29 801 506. Баъд аз он Ҳиндустон (11 262 707), Бразилия (11 125 017), Россия (4 342 474), Британияи Кабир (4 228 998), Франсия (3 932 862), Испания (3 164 983), Италия (3 101 093), Туркия (2 807 387), Германия (2 520 609), Колумбия (2 282 372) ва Аргентина (2 162 001) қарор доранд.
Созмони умумиҷаҳонии тандурустӣ (СУТ) дубора афзоиш ёфтани бемории навъи нави коронавирусро дар саросари ҷаҳон эълон кард. Тибқи маълумоти пешниҳодшуда, суръати афзоиш 2%, яъне 2,7 миллион ҳолати сироятро ташкил додааст. Ин нишондиҳанда нисбат ба маълумоти ҳафтае пеш зиёдтар аст.
Ҳамзамон афзоиши фавти беморони гирифтори коронавирус 6% коҳиш ёфтааст.
«Дар миқёси ҷаҳонӣ тақрибан дар нисфи кишварҳо шумораи ҳолатҳои нав коҳиш ёфтааст ва дар нисфи дигар афзоиши он ба қайд гирифта шудааст», — менависад ТАСС бо истинод ба СУТ.
Афзоиши беморӣ бештар дар Африқо, Баҳри Миёназаминии Шарқӣ, ки дар он ҷо афзоиши фавт ба қайд гирифта шудааст ва Аврупо мушоҳида гардидааст.
Дар маҷмӯъ, аз аввали пандемия, зиёда аз 118 миллион ҳолат ба қайд гирифта шуда, беш аз 93,7 миллион нафар одамон шифо ёфтаанд ва зиёда аз 2,6 миллион беморон фавтидаанд.
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
