Зан-модар — пайвандгари имрӯзу фардост

Март 6, 2021 10:36

ДУШАНБЕ, 06.03.2021. /АМИТ «Ховар»/. Бо ташаббуси Кумитаи иҷроияи ҲХДТ дар шаҳри Душанбе бахшида ба Рӯзи Модар таҳти унвони «Зан — модар-пайвандгари имрӯзу фардо» ҳамоиши занон баргузор гардид. Дар кори он роҳбари дастгоҳи Кумитаи Иҷроияи Марказии ҲХДТ Абдураҳмон Хонзода, вакили Маҷлиси намояндагони Маҷлиси Олии Ҷумҳурии Тоҷикистон Гавҳар Шарофзода, Раиси Иттифоқи нависандагони Тоҷикистон Низом Қосим, Раиси Кумитаи иҷроияи ҲХДТ дар шаҳри Душанбе Иброҳим Мирзозода, вакили Маҷлиси вакилони халқи шаҳри Душанбе Далер Қобилзода, занони фаъол аз ҳисоби кормандони ҳифзи ҳуқуқ, занону бонувони сатҳи роҳбарикунандаи вазорату идораҳо, ҷавондухтарону кормандони  ҳизбии пойтахт иштирок намуданд.

Зимни ҳамоиш иштирокчиён дар васфу ситоиши зан — модар сухан гуфта, зикр карданд, ки модар олиҳаи ҳусну малоҳат, офарандаи оламу одам, мураббии башарият ва бақову манзалати ҳар хонадон аст.

Ба таъкиди Асосгузори сулҳу ваҳдати миллӣ-Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон, «имрӯз ҷомеаи Тоҷикистон дар симои зан на танҳо модар, хоҳар ва ҳамсар, балки сиёсатмадори шинохта, сарвари муваффақ, донишманди асил, табиби ҳозиқ, соҳибкори саховатпеша, корманди поквиҷдони мақомоти ҳифзи ҳуқуқ, ҳомии Ватан, бинокори номдор, мураббии наслҳо ва ҳамшираи меҳрубонро мебинад, ки ин мояи ифтихори мову шумо мебошад».

Ҳамзамон аз ҷониби шоири шинохтаи тоҷик Низом Қосим дар ситоиши зан — модар шеърҳо қироат гардида, ба ҳамоиш ҷилои бештар бахшиданд.

Дар фарҷом аз ҷониби Кумитаи иҷроияи шаҳрии ҳизб ба иштирокчиёни ҳамоиш туҳфаҳои хотиравӣ супорида шуданд.

Март 6, 2021 10:36

Хабарҳои дигари ин бахш

190 килограмм маводи озуқавории пастсифат дар бозори марказии Хоруғ аз муомилот гирифта шуд
ОБУ ҲАВО: Имрӯз дар шаҳри Душанбе ҳаво 18+20 дараҷа гарм мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
ОБУ ҲАВО: Имрӯз дар баъзе ноҳияҳои Тоҷикистон борон меборад
Раёсти ҳифзи муҳити зисти вилояти Суғд: Аз 1 апрел то 15 июн сайди моҳӣ манъ аст
Чаро парвози нахустини «ЮтЭйр» дар масири Душанбе-Москва сурат нагирифт?
Гулистон: Талаби 10 000 сомонӣ барои омода намудани билети ҳарбӣ
Дар Хатлон барои ба курсҳои ронандагӣ фаро гирифтани даъватшавандагон беш аз 1 миллион сомонӣ равона гардид
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
«АСКАРОН БОЯД, КИ САНГИ ХОРАРО БИСТАР КУНАНД…». Наваскарони Муъминобод бо маросими «Кулчагазон» ба хизмати ҳарбӣ гусел карда шуданд
ЗЕРИ ПАРЧАМИ НАНГУ НОМУС. Ҷавонони Кӯлоб ба хизмати Ватан сафарбар гардиданд
Донишгоҳи Ҷумҳурии Мардумии Чин ба довталабон аз рӯи зинаи магистратура бурсияҳои таҳсилӣ пешниҳод менамояд

Маводҳои таҳлилӣ