«Агар кор ҳамин тавр идома ёбад, ҳар суруди дуюмро манъ кардан мумкин аст»: Кортнев Манижаро тарафдорӣ кард

Апрель 12, 2021 11:25

ДУШАНБЕ, 12.04.2021 /АМИТ «Ховар»/. Навозандаи рус Алексей Кортнев овозхон Манижаро, ки Россияро дар Евровидение – 2021 муаррифӣ хоҳад кард, тарафдорӣ намуд, менависад Sputnik.

Алексей Кортнев баъзе вакилони Думаи давлатиро барои кӯшиши расонидани таъсир ба интихоби мардумии номзад ба «Евровидение» танқид кард.

«Агар дар суруд кӯшиш ва ҷустуҷӯ намоӣ — дар ҳар як суруд! — , ки ягон ишора ба воқеъият пайдо кунӣ, пас ба ин тартиб  ҳар суруди дуввумро метавон манъ намуд”, — изҳор дошт Кортнев дар мусоҳиба бо Sobesednik.ru.

Дар ҳамин ҳол, тавре ки натиҷаи таҳқиқоти «Маркази Левада» гувоҳӣ медиҳад, нисфи русҳо нисбат ба ин ки дар озмуни байналмилалии мусиқии «Евровидение»  Россияро овозхони тоҷиктабор Манижа намояндагӣ мекунад, бетафовут будаанд.

Дар айни ҳол, 13% -и русҳо иштироки сарояндаи тоҷикро дар «Евровидение» мусбат арзёбӣ кардаанд.

Мутобиқи натиҷаҳои пурсиши россиягиҳо ва хулосаҳои ҷомеашиносон, танҳо 18% пурсидашудагон дар ин бора назари манфӣ доранд.

Ба гуфтаи Кортнев, Манижа мавзӯи хушунати хонаводагӣ ва дар маҷмӯъ нобаробарии ҷинсиро ба миён гузоштааст. Вай зикр кард, ки чунин ҳодисаҳоро дар Россияро наметавон инкор кард ва барои ҳамин овозхонро дар ин масъала тарафдорӣ мекунад.

Ёдовар мешавем, ки қаблан «Иттиҳоди занони православӣ» -и Россия аз КТ ФР хоҳиш кардааст, ки суруди Манижа Сангин «Зани рус» -ро дар масъалаи  нақзи қонунгузорӣ баррасӣ кунад.

Мувофиқи суханони ходимони ҷамъиятӣ, суруди «Зани рус», ки ба Евровидение — 2021 пешниҳод шудааст, дорои ифодаҳои таҳқиромез нисбат ба зани рус мебошад.

Манижа дар Евровидение — 2021

Озмуни сурудҳои Евровидение — 2021 18-22 май дар Ahoy Arena -и Роттердам, Нидерланд баргузор мешавад. Дар он сарояндагон аз 41 давлат ширкат меварзанд.

Россияро дар Евровидение — 2021 зодаи Тоҷикистон Манижа муаррифӣ мекунад. Дар озмун сароянда композитсияи «Зани рус» -ро иҷро мекунад. Тамошобинони Шабакаи аввал ҳангоми интихоби миллӣ ба ҷонибдории суруд ва ҳунарманд овоз доданд.

Суруди «Зани рус» вокуниши васеи ҷамъиятӣ ба бор овард. Мавҷи интиқодҳои шадид ба сари Манижа сарозер шуд, аз ҷумла аз ҷониби вакилони Думаи давлатӣ низ. Онҳо изҳор мекунанд, ки матни суруд арзишҳои «зиддируссиягиро» -ро таблиғ мекунад.

Илова бар ин, Кумитаи тафтишот низ ба суруд диққати ҷиддӣ зоҳир кардааст. Ҳоло матни сурудро «барои таҳқири дағалона ва резонидани обрӯи  инсонии занони рус» тафтиш мекунанд.

                                                        АКС аз манбаъҳои озод

Апрель 12, 2021 11:25

Хабарҳои дигари ин бахш

Дар Хатлон даври дуюми Озмуни ҷумҳуриявии «Тоҷикистон-Ватани азизи ман» оғоз ёфт
ИҶЛОСИЯИ 44-УМИ КУМИТАИ МЕРОСИ ҶАҲОНИИ ЮНЕСКО ИДОМА ДОРАД. 16 иншооти Тоҷикистон чун номзад барои шомилшавӣ ба Феҳристи мероси ҷаҳонии ЮНЕСКО пешниҳод шудаанд
Хонандаи тоҷик дар Олимпиадаи ҷаҳонӣ аз фанни биология (IBO-2021) соҳиби медали биринҷӣ гардид
Миёни Донишгоҳи давлатии Бохтар ва Донишгоҳи Тирмиз созишномаи ҳамкорӣ ба имзо расид
Дар Қароргоҳи ЮНЕСКО, Беларус ва Амороти Муттаҳидаи Арабӣ Рӯзҳои фарҳанги Тоҷикистон баргузор мегарданд
«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон
Новобаста ба пандемия ва авзои амниятии Афғонистон беш аз 125 ҳазор нафар сайёҳони хориҷӣ аз Тоҷикистон боздид карданд
Зиёда аз 200 нафар хонандагони мактабҳои Хоруғ дар лагерҳои академӣ ба таълиму истироҳат фаро гирифта шудаанд
Дар МД «Сафина» бинобар пандемия баргузории барномаҳои озмунӣ ва шоу-барномаҳо мавқуф гузошта шуд
Нуриддин Саид: Фарогирии аҳолӣ бо барномаҳои шабакаҳои давлатии телевизион дар пахши рақамӣ 72 фоизро ташкил медиҳад
Дар Донишкадаи давлатии фарҳанг ва санъати Тоҷикистон кафедраи «Технологияи ВАО» таъсис ёфт
Дар Донишкадаи давлатии забонҳои Тоҷикистон 524 нафар шаҳрвандони хориҷӣ таҳсил мекунанд

Маводҳои таҳлилӣ