Ҷаласаи Шӯрои коршиносони иқтисодии Ассамблеяи байнипарлумонии кишварҳои узви ИДМ дар реҷаи фосилавӣ доир гардид

ДУШАНБЕ, 20.04.2021 /АМИТ «Ховар»/. Имрӯз раиси кумитаи Маҷлиси намояндагон оид ба иқтисод ва молия Машраб Файзулло тибқи нақшаи кории Ассамблеяи байнипарлумонии кишварҳои узви Иттиҳоди Давлатҳои Мустақил дар кори ҷаласаи Шӯрои экспертӣ оид ба иқтисод дар реҷаи фосилавӣ  иштирок намуд.

Тавре котиби матбуоти Маҷлиси намояндагон Муҳаммадато Султонов ба АМИТ «Ховар» иттилоъ дод, дар ҷаласа  қарорҳое, ки Шӯрои коршиносон аз 27 октябри соли 2020 қабул кардааст- муҳокимаи татбиқи банақшагирӣ ва пешгӯии дарозмуддат, сармоягузории асосӣ, дастгирӣ ва рушди соҳаҳои технологияи баланд, сиёсати пулӣ ва фаъолияти савдои хориҷии давлатҳои аъзои ИДМ, инчунин равишҳои асосии таҳиягарон ба таҳияи лоиҳаҳои Консепсияи рушди қувваҳои  истеҳсолкунандаи ИДМ,  тавсияҳои Ассамблеяи байнипарлумонӣ  ИДМ  оид ба рушди ҳамкории давлатҳои узви ИДМ дар соҳаи амнияти иқтисодӣ мавриди баррасӣ қарор гирифтанд.

Ҳамчунин вакили Маҷлиси намояндагон Рустам Раҳматзода, ки бевосита узви комиссияи Шӯрои экспертӣ-иқтисодии Ассамблеяи байнипарлумонии кишварҳои узви ИДМ мебошад, дар кори ҷаласаи Шӯрои мазкур иштирок ва суханронӣ намуд.