Ба Вазорати тандурустӣ ва ҳифзи иҷтимоии аҳолӣ ва шӯъбаи тиббии Сарраёсати иҷрои ҷазои ҷиноятӣ аз ҷониби USAID таҷҳизоти техникӣ супорида шуд
ДУШАНБЕ, 28.04.2021. /АМИТ «Ховар»/. Бахшида ба рӯзи умумиҷаҳонии мубориза бар зидди бемории сил ва пешрафти талошҳои муштараки дуҷониба бо мақсади барҳам додани бемории сил дар Ҷумҳурии Тоҷикистон Агентии ИМА оид ба рушди байналмилалӣ (USAID) дар доираи “Лоиҳа оид ба барҳам додани бемории сил дар Осиёи Марказӣ” ҷиҳати дарёфти ҳолатҳои бемории сил ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва шӯъбаи тиббии Сарраёсати иҷрои ҷазои ҷиноятии Вазорати адлияи Ҷумҳурии Тоҷикистон таҷҳизоти техникӣ супорид.
Дар ин бора АМИТ «Ховар» бо истинод ба Сафорати ИМА дар Ҷумҳурии Тоҷикистон хабар медиҳад.
Бино ба иттилои манбаъ, таҷҳизоти мазкур аз телефонҳои ҳушманд (смартфон) ва планшетҳо барои зуд дарёфт ва табобат кардани ҳолатҳои бемории сил, дастгоҳ барои гузаронидани видео-конфронсҳо ва таҷҳизот барои назорати микроиқлим иборат буда, аз ҷониби кормандони саҳроӣ ва ҳайати кормандони шабакаҳои кумаки аввалияи тиббию санитарӣ истифода бурда мешаванд. Ин таҷҳизот дарёфти ҳолатҳои бемории силро беҳтар намуда, риояи реҷаи табобатро тақвият мебахшад ва донишу малакаи кормандони тиб дар соҳаи мубориза бо силро вусъат хоҳад дод. Он махсусан барои кормандони тиббии ноҳияҳои дурдасти ҷумҳурӣ хеле муфид мебошад. Таҷҳизот барои видео-конфронсҳо ҷиҳати омӯзонидани ҳайати силшиносони муассисаҳои ислоҳотӣ, инчунин барои таъмини дастрасӣ ба видео-конфронсҳо бо силшиносони дигар ҷиҳати арзёбии беморон ва таъини реҷаи табобат ҳангоми дар маҳбас будани онҳо истифода бурда мешавад.
Ҷумҳурии Тоҷикистон дар қатори 30 кишваре қарор дорад, ки аз ҷониби Созмони умумиҷаҳонии тандурустӣ ҳамчун дорои ҳолатҳои вазнини бемории сили ба доруворӣ устувор ва бемории сили ба дорувориҳои сершумор устувор муайян гардидааст. Дар Тоҷикистон 7700 ҳолати бемории сил тахмин шудааст, ки дар натиҷа солона тақрибан ҳолатҳо фавт ба 730 адад рост меояд.
Директори намояндагии USAID дар Ҷумҳурии Тоҷикистон Кит Симмонс дар ин маросим иброз намуд, ки кумак ва ҳамкории мо кафолат медиҳад, мардум табобати дурустро дар вақти муносиб бигиранд. «USAID тақвияти соҳаи тандурустиро дар Ҷумҳурии Тоҷикистон дастгирӣ менамояд ва мо якҷоя ояндаи дурахшонро бунёд хоҳем кард», — илова намуд ӯ.
Бо талошҳои муштараки Ҳукумати ИМА, Ҳукумати Ҷумҳурии Тоҷикистон ва шарикони байналмилалӣ, Ҷумҳурии Тоҷикистон дар самти коҳиш додани сатҳи беморӣ ва фавт аз бемории сил ба комёбиҳои назаррас ноил гардид. USAID тавассути тақвият баҳшидани иқтидори миллӣ ва минтақавӣ дар коҳиш додани вазнинии бемории сил дар Ҷумҳурии Тоҷикистон ва Осиёи Марказӣ ҷиҳати беҳтар намудани дарёфт ва табобати бемории сили ба дорувориҳои сершумор устувор фаъолият пеш мебарад.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
