«Бобруйскагромаш» истеҳсолоти васлкуниро дар Тоҷикистон васеъ мекунад

Апрель 13, 2021 11:54

ДУШАНБЕ, 13.04.2021 /АМИТ «Ховар»/. ҶСК Ширкати идоракунандаи холдингии «Бобруйскагромаш» истеҳсолоти васлкунии таҷҳизотро дар Тоҷикистон васеъ мекунад. Тавре АМИТ «Ховар» хабар медиҳад, дар ин бора ба хабаргузории «БелТА» аз хадамоти матбуоти корхонаи беларусӣ иттилоъ додаанд. 

Дар доираи кори Комиссияи байниҳукуматии Беларус ва Тоҷикистон оид ба ҳамкории тиҷоратӣ ва иқтисодӣ, ки аз 6-7 апрел дар Душанбе баргузор шуд, байни ҶСК ШИХ «Бобруйскагромаш» ва ҶСП «Агротехсервис» (Тоҷикистон) дар бораи тавсеаи истеҳсолоти васлкунӣ дар заминаи ширкати Тоҷикистон дар Ҳисор аз ҳисоби роҳандозии истеҳсоли нимядакҳои трактории ПСТ-9 созишнома имзо шуда буд.

Ғайр аз ин, ширкатҳо дар барои таҳвили бастаи якуми маҷмӯаи мошинҳо шартнома бастанд ва интиқоли он дар семоҳаи дуюми соли 2021 пешбинӣ шудааст.

Инчунин ҳангоми ширкат дар форуми тиҷоратии «Тоҷикистон — Беларус-Афғонистон» бо намояндагони доираҳои тиҷоратии Афғонистон, ки ба ҳамкорӣ бо истеҳсолкунандагони таҷҳизоти Беларус, аз ҷумла аз тариқи дилерҳо ва намояндагони Тоҷикистон алоқаманд мебошанд, музокирот ташкил карда шуд.

Дар ҷараёни боздид ҳайати Беларус бо роҳбарияти КВДҶ Тоҷикагролизинг» музокирот намуда, инчунин тамоми номгӯи маҳсулоти холдинги «Бобруйскагромаш» -ро муаррифӣ карданд ва дар ҷамъбасти натиҷаҳои онҳо ҷониби Тоҷикистон барои хариди таҷҳизот ва мошинҳои ҷамъоварии хӯроки чорво барои тайёр ва тақсим кардани хӯроки чорво изҳори алоқамандӣ кард.

Ширкати идоракунии холдингии «Бобруйскагромаш»  бузургтарин истеҳсолкунандаи техникаи кишоварзӣ ва афзор дар Аврупои Шарқӣ мебошад. Ширкат дар бозори техникаи кишоварзӣ аз соли 1974 фаъолият дошта, зиёда аз 150 навъ маҳсулот истеҳсол мекунад. Имрӯз техникаи холдинг ба зиёда аз 50 давлати ҷаҳон содир карда мешавад.

                                                                              АКСИ: «БелТА»

Апрель 13, 2021 11:54

Хабарҳои дигари ин бахш

Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд