Дар Душанбе банақшагирии амалиёти зерминтақавии зиддимухаддиротӣ бо номи рамзии «Канал-Гранитний бастион» баррасӣ шуд
ДУШАНБЕ, 28.04.2021 /АМИТ «Ховар»/. Имрӯз дар доираи раёсати Ҷумҳурии Тоҷикистон дар Созмони аҳдномаи амнияти дастаҷамъӣ (СААД) дар Агентии назорати маводи нашъаовари назди Президенти Ҷумҳурии Тоҷикистон ҷаласаи Гурӯҳи корӣ оид ба ташкили амалиёти зиддимухаддиротӣ ва дигар самтҳои фаъолият дар доираи ваколатҳои Шӯрои ҳамоҳангсозии роҳбарони мақомоти салоҳиятдор оид ба муқовимат бо муомилоти ғайриқонунии маводи нашъаовари давлатҳои аъзои СААД баргузор гардид.
Ҳадафи баргузории ҷаласаи мазкур аз коркарду банақшагирии амалиёти зерминтақавии зиддимухаддиротӣ бо номи рамзии «Канал-Гранитний бастион» ва дигар чорабиниҳои имсол банақшагирифташуда иборат мебошад.
Дар кори ҷаласа, ки дар шакли ҳузурӣ ва маҷозӣ баргузор гардид, намояндагони хадамоти зиддимухаддиротии Ҷумҳурии Арманистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Россия, Ҷумҳурии Тоҷикистон ва Котиботи СААД иштирок намуданд.
Ҷаласаи мазкурро муовини якуми Директори Агентии назорати маводи нашъаовари назди Президенти Ҷумҳурии Тоҷикистон Зафар Самад бо сухани ифтитоҳӣ оғоз намуд.
Дар ҷаласа ҷонибҳо масъалаҳои ҷойгиршавии Ситоди ҳамоҳангсозии байналмилалии амалиёти мазкурро дар Ҷумҳурии Тоҷикистон баррасӣ намуданд.
Инчунин дар ҷаласа оид ба хусусияти ташаккули вазъи маводи нашъаовар дар давраи соли 2020 ва семоҳаи аввали соли 2021 мубодилаи афкор сурат гирифт.
Намояндагони давлатҳои аъзои СААД таҷрибаи пешқадами фаъолият дар шароити авҷ гирифтани вазъи эпидемиологии вобаста ба паҳншавии сирояти коронавируси “COVID-19”-ро мавриди омӯзиш қарор доданд.
Дар ҷаласа ҷониби Россия оид ба тайёрӣ ҷиҳати баргузории амалиёти зерминтақавӣ бо унвони “Канал-Невский шит” бо ҷойгиршавии ситоди ҳамоҳангсозӣ дар Россия ба иштирокчиён маълумот пешниҳод намуд.
Дар ҷараёни ҷаласа масъалаҳои омодагӣ ба ҷаласаи 23-юми Шӯрои ҳамоҳангсозии роҳбарони мақомоти салоҳиятдор оид ба муқовимат бо муомилоти ғайриқонунии маводи нашъаовари давлатҳои аъзои СААД, банақшагирии гузаронидани марҳилаҳои фаъоли амалиёти “Канал” дар соли 2022, бо сохторҳои қувваҳои таъйиноти махсуси Қувваҳои дастаҷамъии вокуниши фаврии СААД баргузории машқҳои махсуси тактикӣ зери унвони “Гром-2021” дар Арманистон баррасӣ гардиданд.
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
