Дар Екатеринбург ҷалби муташаккилонаи муҳоҷирони тоҷик барои кор дар вилояти Свердловск баррасӣ шуд

Апрель 13, 2021 11:28

ДУШАНБЕ, 13.04.2021 /АМИТ «Ховар»/. Консули генералии Ҷумҳурии Тоҷикистон дар Екатеринбург Зафар Сайидзода 12 апрел ҷаласаи Шӯрои машваратии ҷамъиятиро дар назди идораи консулгарӣ баргузор намуд, хабар доданд аз  консулгарии генералӣ.

Бори аввал дар он Вазири робитаҳои байналмилалӣ ва хориҷии вилояти Свердловск Василий Козлов ва Ваколатдор оид ба ҳуқуқҳои инсон дар вилояти Свердловск Татяна Мерзлякова ширкат варзиданд.

Гуфтугӯи муфассал ва судманд доир ба тамоми маҷмӯи масъалаҳои мубрами ҳамкории мутақобила дар давраи пас аз уфунати ковид сурат гирифт.

Василий Козлов зикр кард, ки ҳукумат ва соҳибкорони вилояти аз ҷиҳати саноатӣ пешрафтаи Свердловск, инчунин ҷониби Тоҷикистон алоқаманди баррасии мушаххаси ҳамкории мутақобилан судманди байниминтақавии Россия ва Тоҷикистон ва мусоидат дар татбиқи амалии Барномаи миллии саноатикунонии босуръати Тоҷикистон мебошанд.

Дар ин самт намояндагони баландпояи Ҳукумат ва доираҳои тиҷоратии Тоҷикистон дар даҳаи якуми моҳи июли соли равон дар кори Намоишгоҳи 11-уми байналмилалии саноатии «ИННОПРОМ», дар заминаи ҷойгиршавии Маркази намоишгоҳи байналмилалии «Екатеринбург ЭКСПО», ки дар он губернатори вилояти Свердловск иштирок мекунад, метавонанд нақши муҳим иҷро намоянд.

Масъалаҳои ҷалби муташаккилонаи муҳоҷирони меҳнатии тоҷик барои кор дар вилояти Свердловск, мутобиқшавии иҷтимоию фарҳангии онҳо дар ҷомеаи Россия, беҳтар намудани ҳамкорӣ бо мақомоти ҳифзи ҳуқуқи маҳаллӣ, баланд бардоштани сатҳи фарҳанги ҳуқуқӣ ва аз тарафи онҳо риоя намудани қонунгузории Россия ба таври муфассал баррасӣ шуданд.

Инчунин мавзӯъҳои дигари мавриди таваҷҷуҳи тарафайн, аз ҷумла, маориф, илм, фарҳанг, варзиш ва сайёҳӣ баррасӣ шуданд.

Дар бораи роҳҳо ва механизмҳои бештар муносиби ҳамкории мутақобила ҷиҳати ҳалли амалии масъалаҳое, ки ба миён меоянд, мувофиқа ҳосил шуд.

Апрель 13, 2021 11:28

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд