Дар хоҷагиҳои кишоварзии шаҳри Ҳисор бо иштироки муовини Сарвазир кишти пунбадона оғоз ёфт
ДУШАНБЕ, 12.04.2021 /АМИТ «Ховар»/. Дар бархе аз хоҷагиҳои кишоварзии шаҳри Ҳисор кишти чигит оғоз гардид. Дар ин робита муовини Сарвазири ҷумҳурӣ Давлатшоҳ Гулмаҳмадзода ва раиси шаҳри Ҳисор Шарифҷон Ҷумъазода ба якчанд хоҷагиҳои кишоварзии шаҳр рафта, бо ҷараёни кишту кори баҳорӣ, аз ҷумла кишти пунбадона дар Кооперативи истеҳсолии тиҷоратии ба номи Латиф Муродов, Корхонаи воҳиди таълимӣ- таҷрибавии «Ҳисор»-и Донишгоҳи аграрии Тоҷикистон ва хоҷагии таҷрибавии истеҳсолии «Зироаткор» — и Академияи миллии илмҳои кишоварзии Ҷумҳурии Тоҷикистон шинос шуданд.
Тавре аз Мақомоти иҷрояи ҳокимияти давлатии шаҳр ба АМИТ «Ховар» хабар доданд, муовини Сарвазир ба кишти чигит дар ин хоҷагиҳо оғоз бахшида, ба сифат ва ҳаҷми захираи тухмии зироати кишоварзӣ ва ҷараёни корҳои деҳқонӣ мароқ зоҳир намуд. Мавсуф ба кишоварзон барои аз рӯи қоидаҳои агротехникӣ ва босифат гузаронидани кишт ва рӯёнидани ҳосили баланд аз ҳар гектар маслиҳату дастур дод.
Ҳамчунин зикр гардид, ки аз лаҳзаи рӯзҳои офтобӣ самаранок истифода намуда, ба кишти пунбадона бояд вусъат бахшида шавад, чунки борише, ки рӯзҳои наздик дар назар дошта шудааст, сабаби намнокии бештари замин гардида, метавонад ба сабзидани ниҳолҳо мусоидат карда, ба обмонии иловагӣ зарурат намонад. Истифода аз обу ҳавои мусоид барои хоҷагидорон камхарҷ ва манфиатовар мебошад.
Муовини Сарвазир мамлакат ба деҳқонон барои гирифтани ҳосили хуби пахта маслиҳатҳои муфид дода, таъкид намуд, ки танҳо риояи қоидаҳои агротехникӣ, истифодаи тухмиҳои хушсифат ва дар муҳлати муайянгардида анҷом додани кишти чигит омили рӯёнидани ҳосили дилхоҳ ва кафили ба даст овардани ҳосили бештар мебошад.
АКСҲО аз Мақомоти иҷрояи ҳокимияти давлатии шаҳри Ҳисор
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
