Диндорон тавсияҳои таҳиянамудаи СУТ-ро дар моҳи шарифи Рамазони соли 2021 бояд ба инобат гиранд
ДУШАНБЕ, 02.04.2021 /АМИТ «Ховар»/. Писҳо, Пейсах ва Рамазон — ин идҳои диниро насрониҳо, яҳудиён ва мусулмонон баҳори соли равон ҷашн мегиранд. Дафтари аврупоии СУТ, ки Тоҷикистон низ шомили он аст, эътироф мекунад, ки эътиқод ва эҳсосоти мусбати вобаста ба он ба вазъи равонии одамон, махсусан ҳоло, ки ҳама аз пандемия хаста шудаанд, таъсири созгор мерасонанд. Ҳамзамон коршиносон зарурати риояи чораҳои эҳтиётиро хотиррасон мекунанд: ҳанӯз на ҳама бо ваксина эм шудаанд ва вирус ҳоло ҳам хатарнок аст, иттилоъ медиҳад АМИТ «Ховар» бо истинод ба Хадамоти ахбори СММ.
Тавре ки маълум аст, ҷашну маросим, ҷамъомадҳои оммавӣ ва сафарҳо ба интиқоли уфунат мусоидат мекунанд ва метавонанд сабаби барангехтани хуруҷи нав гарданд, алалхусус бо дарназардошти он, ки шумораи рӯйдодҳои нав бидуни ин ҳам дар ҳоли афзоиш аст. Пешвоёни динӣ ҷиҳатҳои мусбат ва манфии баргузор намудани чорабиниҳои оммавии ҷашниро барои гирифтани тасмим арзёбӣ мекунанд. СУТ бар ин назар аст, ки дар он кишварҳое, ки афзоиши беморӣ мушоҳида мешавад, лағви тантанаҳо ба мақсад мувофиқ аст.
Аммо, коршиносон чунин меҳисобанд, ки сарфи назар аз кишвар, тамоми чорабиниҳо бояд дар майдонҳои кушод баргузор шаванд, шумораи иштирокчиён ва давомнокии онҳо маҳдуд карда шаванд, инчунин аз ҳамдигар фосила гирифта шавад, тозагии дастҳо риоя ва ниқоб пӯшида шавад. Албатта, истиқболи ҷашнҳо дар доираи маҳдуд, бо аҳли хонавода авлотар аст.
СУТ хотиррасон мекунад, ки баргузор намудани чорабиниҳои оммавӣ дар дохили биноҳо хатарнок аст, хусусан вақте ки намояндагони наслҳои мухталиф, ки зери як бом зиндагӣ намекунанд ва қоидаҳои ягонаи эпидемиологиро риоя намекунанд, ҷамъ меоянд. Барои коҳиши хатари паҳншавии сироят дар чунин ҳолатҳо лозим аст, ки зуд-зуд ва бодиққат ҳаво тоза ва мутобиқи тавсияҳои дигари ҳокимияти маҳаллӣ амал карда шавад.
Чизе ки ба сафарҳо марбут аст, коршиносон маслиҳат медиҳанд, ки аз нақлиёти ҷамъиятӣ ва хусусан издиҳоми одамон канорагирӣ бояд кард. Аз худ бипурсед, ки ин сафар то чӣ андоза зарур аст, оё имкони ба таъхир гузоштани он мавҷуд аст? Ғайр аз ин, СУТ хотиррасон мекунад, ки ба бисёр кишварҳо танҳо дар сурати доштани натиҷаи манфии озмоиши тести COVID-19 ворид шудан мумкин аст, дар дигар кишварҳо, пас аз ворид шудан аз карантин гузаштан лозим меояд. Коршиносон одамонро ба риояи қатъии ҳама қоидаҳои ҷоринамудаи ҳукуматҳои маҳаллӣ даъват мекунанд.
АКСИ СММ/Э.Шнейдер
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
