Дувоздаҳ варзишгари маъруфи тоҷик дар Чемпионати Осиё-Уқёнусия-2021 иштирок мекунанд

Апрель 5, 2021 15:29

ДУШАНБЕ, 05.04.2021 /АМИТ «Ховар»/. Тавре қаблан хабар дода будем, аз 6 то 9 апрел дар шаҳри Бишкеки Ҷумҳурии  Қирғизистон Чемпионати Осиё-Уқёнусия-2021 доир мегардад, ки дар он 12 нафар варзишгарони шинохтаи Ҷумҳурии Тоҷикистон  (9 мард ва 3 зан) ширкат меварзанд. Дар ин  бора шореҳи  варзиши АМИТ «Ховар» Меҳрони  Қурбон бо истинод ба Федератсияи дзюдои Тоҷикистон хабар медиҳад.

Аз ҳайати дастаи мунтахаби  Тоҷикистон Беҳрӯз Хоҷазода (-73кг) ва Шакармамад Мирмамадов (+100кг) бинобар сабаби осеб бардоштан  дар мусобиқаи мазкур иштирок намекунанд. Дар қатори варзишгарон довари дараҷаи байналмилалӣ Рамзӣ Шамиров низ  Тоҷикистонро дар чемпионати Осиё муаррифӣ мекунад.

Ҳайати  дастаи мунтахаби Тоҷикистон  дар Чемпионати Осиё-Уқёнусия 2021:

Вазн:          Иштирокчӣ:
-48кг            Шукрона Карчиева
-52кг            Аҳлия Мӯъминова
-52 кг           Фазилат Гулбоева
-60 кг           Шаҳбоз Саидабуроров
-73 кг            Сомон Маҳмадбеков
-81кг             Акмал Муродов
-81кг             Ҳақназар Назаров
-90 кг           Комроншоҳ Устопириён
-90 кг           Ҷаҳонгир Маҷидов
-100кг          Мансур Раҳмон
+100 кг        Темур Раҳимов
+100кг         Хуршед Маҷидов

Тақвими мусобиқа:
Рӯзи якум (6 апрел, шурӯъ аз соати 10:00):
Занон: —48 кг, -52 кг , -57 кг;    Мардон: -60, -66 кг

Рӯзи дуюм (7 апрел, шурӯъ аз соати 10:00):
Занон: -63, -70 кг;   Мардон: -73, -81 кг

Рӯзи сеюм (8 апрел, шурӯъ аз соати 10:00):
Занон: —78, +78 кг;   Мардон: -90, -100, +100 кг

Рӯзи чорум (9 апрел, шурӯъ аз соати 10:00):
Рақобатҳои даставӣ (Мардон ва Бонувон)

Варзишгарони мусобиқа имкони касби имтиёзҳои олимпӣ доранд. Барои мақоми аввал — 700 имтиёз, дуюм — 490 имтиёз ва сеюм — 350 имтиёз дода мешавад. Дар мусобиқаи мазкур иштироки 218 нафар варзишгарон аз 31 давлат дар назар аст.

Апрель 5, 2021 15:29

Хабарҳои дигари ин бахш

Дастаи мунтахаби олимпии Тоҷикистон барои иштирок дар Бозиҳои тобистонаи олимпӣ ба Токио сафар намуд
Ҷадвали мусобиқоти варзишгарони тоҷик дар Бозиҳои олимпии Токио-2020 муайян шуд
ФУТЗАЛ. Дастаи мунтахаби Тоҷикистон ба тамринҳо шурӯъ намуд
То оғози Бозиҳои тобистонаи олимпии Токио-2020 рӯзҳои башумор боқӣ мондаанд
Замони бозиҳои даври чордаҳуми Чемпионати Тоҷикистон оид ба футбол миёни дастаҳои Лигаи олӣ муайян шуд
Амирхон Атохонов дар мусобиқаи байналмилалӣ дар Ӯзбекистон ғолиби ҷойи аввал ва соҳиби медали тилло шуд
Ғолибони мусобиқаҳои варзишӣ оид ба тенниси рӯйи миз ва шоҳмоту шашка муайян шуданд
Ҳайати дастаи мунтахаби олимпии Тоҷикистон барои иштирок дар Бозиҳои олимпии Токио-2020 муайян шуд
ФУТБОЛ. Пагоҳ дастаҳои «Истиқлол»-и Душанбе ва «Хатлон»-и Бохтар байни ҳам рақобат мекунанд
Вазири корҳои дохилӣ бо варзишгарони дастаи мунтахаби шиноварии Тоҷикистон вохӯрӣ намуд
Барои дарёфти Ҷоми Президенти Тоҷикистон бо унвони «President Cup-2021» миёни наврасон мусобиқа оид ба теннис доир мегардад
10-11 июл бозиҳои даври сенздаҳуми Чемпионати Тоҷикистон оид ба футбол доир шуданд

Маводҳои таҳлилӣ