Корҷӯёни шаҳри Кӯлоб соҳиби касб ва шаҳодатномаи тахассусӣ мегарданд

Апрель 19, 2021 14:19

КӮЛОБ,  19.04.2021  /АМИТ  «Ховар»/. 2207 нафар шаҳрвандони синни гуногун — довталабон ва корҷӯёни шаҳри Кӯлоб тавассути  филиали Муассисаи  давлатии «Маркази таълими калонсолон»  ба касбомӯзӣ, бозомӯзӣ, такмили ихтисос  ва малакаҳои касбӣ фаро гирифта шуда, соҳиби шаҳодатномаи тахассусӣ гардиданд.

Тавре директори муассиса  Умарҷон Исмоилов ба хабарнигори минтақавии АМИТ «Ховар» иттилоъ дод,  бо назардошти  Солҳои рушди деҳот, сайёҳӣ   ва ҳунарҳои мардумӣ дар асоси шартнома  бо шуъбаи   Агентии  меҳнат ва шуғли аҳолӣ дар шаҳри Кӯлоб, ноҳияҳои Восеъ, Муъминобод, Ховалинг ва Балҷувон  173 нафар  занону духтарон  ва ҷавонон  ба омӯзиши  касбҳои ҷомадӯзӣ, чакандӯзӣ, адрасбофӣ, зардӯзӣ, заргарӣ ва муҳрабофӣ фаро гирифта шуданд.

Муассиса  ҳамзамон ҳамкориро бо шарикони рушд ва Лоиҳаи тавқияти  таҳсилоти касбӣ-техникӣ  ва омӯзиши  Фонди ёрии байналмилалӣ (ФЁБ) дар самти касбомӯзӣ ва такмили малакаҳои касбии  беш аз 800 нафар   шаҳрвандон ба роҳ мондааст. Ин аст, ки дар он дар баробари дигар  масъалаҳо ба беҳтар гардидани  сифати таълим  ва  касбомӯзӣ  диққати махсус дода мешавад.

Тадбирҳои андешида дар ҳамкорӣ бо шарикони рушд  имконият фароҳам оварданд, ки  теъдоди муайяни  шаҳрвандон ва муҳоҷирони  меҳнатӣ  дар ин давра,  новобаста аз вазъияти  имрӯзаи  эпидемиологӣ ба касбомӯзӣ ҷалб  карда шаванд.

Апрель 19, 2021 14:19

Хабарҳои дигари ин бахш

Маркази тадқиқоти стратегӣ ва ЮНИСЕФ вобаста ба пажуҳиши осебпазирӣ ва хатарҳои мансуб ба наврасон ҳамкорӣ менамоянд
Дар Хуҷанд даври шаҳрии Озмуни ҷумҳуриявии «Кадбонуи беҳтарин» баргузор гардид
МАДАНИЯТИ ШАҲРНИШИНӢ. Дар Хатлон нисбат ба онҳое, ки сабабгори ифлосшавии муҳити зист мегарданд, тадбирҳои қонунӣ меандешанд
Дар Душанбе таҷрибаи мусбати ҳамкории коршиносии минтақавӣ ва густариши он баррасӣ шуд
Дар Кумитаи ҳолатҳои фавқулода ва мудофиаи граждании Тоҷикистон бо намояндагони якчанд ниҳоди хориҷӣ мулоқот доир шуд
Дар Хатлон дар самти ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
Дар шаҳри Гулистон озмуни «Кадбонуи беҳтарин» баргузор шуд
ГРАНТИ ПРЕЗИДЕНТИ ТОҶИКИСТОН ДАР СОЛИ 2024. Вазорати меҳнат, муҳоҷират ва шуғли аҳолӣ ҳунармандонро барои дарёфти ин грант ба озмун даъват менамояд
Вазири адлияи Тоҷикистон ва Ёвари Дабири кулли Созмони Милали Муттаҳид густариши ҳамкории дуҷонибаро баррасӣ намуданд
Дар ҳудуди Хадамоти зидди жола ду бино ба истифода дода шуд
Вазорати меҳнат, муҳоҷират ва шуғли аҳолӣ ҷиҳати дарёфти гранти Президенти Ҷумҳурии Тоҷикистон барои дастгирии ҳунармандон озмун эълон менамояд
Ҷавонони Тоҷикистон барои иштирок дар Фестивали ҷаҳонии ҷавонон ба шаҳри Сочи мераванд