Мактаббачагони Тоҷикистон дар Олимпиадаи байналмилалии Менделеев оид ба химия ширкат меварзанд
ДУШАНБЕ, 08.04.2021 /АМИТ «Ховар»/. Хонандагони Тоҷикистон дар 55-умин Олимпиадаи байналмилалии Менделеев аз фанни химия барои мактаббачагон (IMO-55) баромад мекунанд. Дар ин бора АМИТ «Ховар» бо истинод ба маълумоти хадамоти матбуоти факултаи химияи Донишгоҳи давлатии Москва, ки ташкилкунандаи олимпиада мебошад, иттилоъ медиҳад.
Олимпиадаи Менделеев аз фанни химия барои мактаббачагон — озмуни бузурги байналмилалӣ мебошад. Он дар ИҶШС ҳамчун Олимпиадаи умумииттифоқӣ аз фанни химия соли 1967 шурӯъ шуда буд. Вазифаҳоро барои олимпиада ҳайати ҳакамони байналмилалӣ, аз ҷумлаи кимиёшиносони тамоми ҷаҳон таҳия мекунанд. Забонҳои асосии кории ОБМ — русӣ ва англисӣ мебошанд.
Соли 2021 Олимпиада дар шакли онлайн баргузор мешавад. Олимпиадаи байналмилалии Менделеев 21 апрел соати 12:00 ба вақти Москва ифтитоҳ меёбад. Ташкилкунандагон интизор доранд, ки дар олимпиада дастаҳои зиёда аз 25 кишвар иштирок кунанд. Аз ҷумла, мактаббачагон аз Австрия ва Арабистони Саудӣ, Озарбойҷон ва Македония, Арманистон ва Исроил, Беларус ва Венгрия, Булғория ва Сурия, Гурҷистон ва Латвия, Эрон ва Қазоқистон, Эстония ва Қирғизистон, Сербия ва Словакия, Тоҷикистон ва Туркманистон, Литва ва Туркия.
Ёдовар мешавем, ки солҳои қабл мактаббачагони Тоҷикистон дар ин олимпиада фаъолона ширкат варзида, сазовори медалҳо мешуданд. Тавре АМИТ «Ховар» қаблан бо истинод ба Вазорати маориф ва илми Ҷумҳурии Тоҷикистон хабар дода буд, панҷ сол қабл Тоҷикистон аз рӯи шумораи ҷоизаҳои дар олимпиадаҳои байналмилалии мактаббачагон дарёфтнамуда дар радифи кишварҳои беҳтарин қарор дошт: соли 2016 хонандагони мактабҳои Тоҷикистон дар олимпиадаҳои мактаббачагон дар 15 кишвари ҷаҳон ширкат варзида, 133 медал, аз ҷумла 21 медали тилло, 33 нуқра ва 79 биринҷӣ дарёфт намуданд.
АКС: ДДМ ба номи М.В. Ломоносов
Эҳдо ба Пешвои миллат
Дар ноҳияи Нуробод намоиш-фурӯши китобҳои тозанашр доир гардид
Конференсияи илмию амалии ҷумҳуриявӣ ба мавзуи «Истиқлол, забонҳои модарӣ ва арҷгузорӣ ба онҳо» бахшида шуд
«ЯК МАТОВУ САД РАНГ». Фестивал-озмун имкон медиҳад, ки арзишҳои фарҳанги миллӣ ҳифз ва тарғиб карда шаванд
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
