Мавҷи нави бесуботӣ дар Афғонистон. 118 нафар ҷангҷӯёни гурӯҳи «Толибон» маҳв карда шуданд

Апрель 30, 2021 08:58

ДУШАНБЕ, 30.04.2021 /АМИТ «Ховар»/. Вазорати мудофиаи миллии Афғонистон мегӯяд, ки дар чанд рӯзи охир «Толибон» (мамнуъ дар Тоҷикистон) дар задухӯрдҳо бо неруҳои афғон талафоти ҷиддӣ диданд, хабар медиҳад АМИТ «Ховар» бо истинод ба сомонаи «Садои Амрико» дар Афғонистон www.darivoa.com.

Тибқи иттилои вазорати мудофиаи Афғонистон, вилоятҳои Лағмон, Ғазнӣ, Қандаҳор, Зобул, Ҳирот, Ғур, Балх, Ҳилманд ва Тахор шоҳиди задухӯрдҳои шадид миёни артиши Афғонистон ва «Толибон» шудаанд.

Фавод Амон, муовини сухангӯи вазорати мудофиа 29 апрел ба «Садои Амрико» гуфт, ки дар ҷараёни амалиётҳои ҷавобии неруҳои афғон алайҳи «Толибон» 118  ҷангҷӯ кушта ва 30 нафари дигар маҷрӯҳ шуданд.

Ҷаноби Амон афзуд, ки дар ҷараёни даргириҳо чаҳор узви «Толибон» ба силоҳу муҳимот боздошт гардиданд, инчунин 169 адад минаҳои дар роҳҳо ҷосозишуда пайдо ва безарар ва ҷони даҳҳо ҳамватанони мо наҷот дода шуд.

Дар ҳамин ҳол, Ҳамдуллоҳ Муҳеб, мушовири амнияти миллӣ, Зиё Сироҷ, раиси амнияти миллӣ, Ҳаётуллоҳ Ҳаёт, иҷрокунандаи вазифаи вазири умури дохилӣ ва Ёсин Зиё, иҷрокунандаи вазифаи вазири мудофиа ҷиҳати баррасӣ вазъи амниятӣ ва оғози амалиёти густурдаи низомӣ алайҳи пойгоҳҳои «Толибон» дар чанд вулусволии Ғазнӣ ба ин вилоят сафар карданд.

Ин мақомот тасмим гирифтанд, ки шоҳроҳҳои Кобул-Қандаҳор, Ғазни-Пактико ва дигар роҳҳои автомобилгардро аз назорати «Толибон» бароранд ва амнияти онҳоро таъмин кунанд.

Апрель 30, 2021 08:58

Хабарҳои дигари ин бахш

Дар Хинҷони Афғонистон аз ҷониби гурӯҳи «Толибон» ҳафт нафар намозгузорон кушта шуданд
Ҷангҷӯёни «Толибон» дар вулусволии Шоҳвали Кути вилояти Қандаҳор пули бузурги сарбанди оби «Даҳла»-ро таркониданд
Бар асари афтидани мушак ба бинои маъмурии вилояти Кунари Афғонистон 14 нафар захмӣ шуданд
Киштии зериобии Индонезия, ки шикаста се қисм шудааст, ёфт гардид. Ҳамаи 53 сарнишини он ба ҳалок расидаанд
Конфронс оид ба ҳалли мусолиҳатомез дар Афғонистон, ки бояд дар Туркия баргузор мегардид, ба таъхир гузошта шуд
Бар асари ҳамла бо истифодаи мошин-бомба дар Ҳироти Афғонистон ду нафар аз неруҳои хезиши мардумӣ кушта шуданд
Россия, Тоҷикистон ва боз 19 кишвар барои ширкат дар конфронс оид ба Афғонистон дар Истанбул даъват шудаанд
Бар асари таркиши автомашинаи пур аз маводи тарканда дар Фароҳи Афғонистон 3 нафар ҳалок ва 22 тани дигар маҷрӯҳ шуданд
Ҷангҷӯёни мусаллаҳи гурӯҳи «Толибон» ба автомашинаи котиботи Маҷлиси сенати Афғонистон ҳамла карданд
Дар Британияи Кабир шавҳари Малика Шоҳзода Филипп дар синни 100-солагӣ аз олам даргузашт
Шабонарӯзи охир дар ҷаҳон зиёда аз 785 ҳазор ҳолати сирояти коронавирус ошкор гардид
Вазорати корҳои дохилии Афғонистон эътирофоти 10 гумонбари ҳамлаҳои ҳадафмандонаро расонаӣ кард

Маводҳои таҳлилӣ