Пирӯзии аввалин ва таърихии «Истиқлол» дар Лигаи чемпионҳои Осиё

ДУШАНБЕ, 19.04.2021 /АМИТ «Ховар»/. Чемпиони Тоҷикистон – дастаи «Истиқлол»-и Душанбе бар дастаи АГМК-и Ӯзбекистон ғалаба карда (3:2), пирӯзии аввалин ва таърихиашро дар Лигаи чемпионҳои Осиё ҷашн гирифт. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Голҳоро дар ҳайати «Истиқлол» Манучеҳр Ҷалилов ва Муҳаммадҷон Раҳимов заданд. Як голи дигарро легионери сербиягии АГМК Йован Ҷокич ба дарвозаи дастааш зад.

Қаблан дар даври аввали марҳилаи гурӯҳии Лигаи чемпионҳои Осиё-2021 дастаи Душанбе бо дастаи “Шабоб Ал-Аҳлӣ Дубай” мусовӣ (0:0) бозӣ карда буд.

Дар бозии дигари давр дуюми гурӯҳи “А” клуби “Ал-Ҳилол”-и Арабистони Саудӣ бар дастаи “Шабоб Ал-Аҳлӣ Дубай” бо ҳисоби 2:0 пирӯз шуд.

Пас аз натиҷагирии ду давр “Ал-Ҳилол” ва “Истиқлол” бо 4-холӣ дар садри ҷадвали гурӯҳи “А” қарор доранд.

Дар даври сеюми марҳилаи гурӯҳии Лигаи чемпионҳои Осиё-2021  21 апрел “Истиқлол” бо дастаи “Ал-Аҳлӣ”, ки соли 2019 ғолиби Лигаи чемпионҳои Осиё гардида буд, вомехӯрад.

Лигаи чемпионҳои Осиё-2021

 Гурӯҳи «А». 2-юм давр

АГМК (Ӯзбекистон) – «ИСТИҚЛОЛ» (ТОҶИКИСТОН) – 2:3

Голҳо: Йован Ҷокич, 45+1 – ба дарвозаи дастаи худ (0:1). Манучеҳр Ҷалилов, 54 (0:2). Зафар Полвонов, 57 (1:2). Муҳаммадҷон Раҳимов, 80 (1:3). Зафар Полвонов, 90+1 (2:3).

«Истиқлол» (Тоҷикистон): Рустам Ятимов, Алексей Ларин, Андрей Мишенко, Зоир Ҷурабоев, Манучеҳр Сафаров (Ваҳдат Ханонов, 46), Муҳаммадҷон Раҳимов (Аҳтам Назаров, 90+3), Нуриддин Давронов, Шаҳром Сулаймонов, Алишер Ҷалилов, Ҳусейн Доған (Рустам Соиров, 90+3), Манучеҳр Ҷалилов.

Беҳтарин бозингар: Манучеҳр Ҷалилов («Истиқлол»).

18 апрел. Риёз. Варзишгоҳи байналмилалии ба номи шоҳ Фаҳд.

«Шабоб Ал-Аҳлӣ Дубай» (АМА) – «Ал-Ҳилол» (Арабистони Саудӣ) – 0:2

АКС аз ФФТ