Ҳайати эҷодии барномаи «Поедем, поедим!»-и «НТВ»-и Россия ба Тоҷикистон омад
ДУШАНБЕ, 21.04.2021/АМИТ «Ховар»/. Бо ташаббуси Кумитаи рушди сайёҳӣ ва дастгирии Ҳукумати Ҷумҳурии Тоҷикистон ҳайати эҷодии барномаи маъруфи шабакаи телевизиони «НТВ»-и Россия «Поедем, поедим!» ба Тоҷикистон ташриф овард, иттилоъ медиҳад Кумитаи рушди сайёҳии назди Ҳукумати ҷумҳурӣ.
Сафари ҳайати эҷодӣ дар кишвари мо аз 20 то 24 апрели соли равон идома меёбад. Тибқи барномаи тарҳрезишуда зимни сафар ҳайати эҷодии барнома аз имкониятҳои сайёҳии шаҳрҳои Душанбе, Норак, Ҳисор ва ноҳияи Варзоб аз наздик шиносоӣ пайдо намуда, тарзи омода намудани таомҳои миллиро ба навор мегиранд.
Барномаи «Поедем, поедим!» лоиҳаи маърифатӣ-таблиғотӣ буда, дар қаламрави Россия ва соири кишварҳои ҷаҳон беш аз 200 маротиба пахш гардида, зиёда аз 30 миллион тамошобин дорад. Тавассути барнома фарҳангу тамаддун ва имкониятҳои сайёҳии кишварҳои дунё муаррифӣ мегарданд.
Ҳаводорон ва тамошобинони барномаи «Поедем,поедим!» имконият доранд, ки намоишро доир ба Тоҷикистон тариқи шабакаи НТВ тамошо намоянд. Ҳамзамон, барнома тавассути шабакаҳои иҷтимоии «Ютуб», «Фейсбук», «Инстаграм» ва дигар порталҳои таблиғотӣ дастрас мегардад.
Ҳайати эҷодии барномаи маъруфи шабакаи телевизиони «НТВ»-и Россия «Поедем, поедим!» бори дувум аст, ки аз Тоҷикистон боздид менамоянд. Сафари қаблии ҳайати эҷодии барнома аз 1 то 5 октябри соли 2018 сурат гирифта буд. Пахши барномаҳои тарғиботӣ аз ҷониби шабакаҳои бонуфузи ҷаҳонӣ баҳри муаррифии зарфиятҳои сайёҳии Тоҷикистон дар арсаи байналмилалӣ мусоидат менамояд.
ДАР АКС: барандаи лоиҳаи машҳури «Поедем, поедим!» Ҷон Уоррен ва овозхони тоҷик Мадина Акназарова. 24 ноябри соли 2018 дар шабакаи телевизионии НТВ.
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Дар Тоҷикистон Рӯзҳои синамои Беларус доир мегарданд
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
Кормандони Академияи миллии илмҳои Тоҷикистон бахшида ба Рӯзи Парчами давлатӣ роҳпаймоӣ ташкил намуданд
«Парчами Тоҷикистон дар қитъаи Антарктида». Бахшида ба Рӯзи Парчами давлатӣ китоби олими тоҷик ба нашр мерасад
Ғолибони Фестивал-озмуни «Вассофи-Ватан» қадрдонӣ гардиданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Бозиҳои 18-уми Делфии ҷавонони кишварҳои аъзои Иттиҳоди Давлатҳои Мустақил оғоз гардид
Байни Китобхонаи миллии Тоҷикистон ва Институти Гёте санади ҳамкорӣ ба имзо расид
Дар Донишкадаи давлатии фарҳанг ва санъати Тоҷикистон Рӯзи Парчами давлатӣ таҷлил гардид
