Ҳайати эҷодии барномаи «Поедем, поедим!»-и «НТВ»-и Россия ба Тоҷикистон омад

Апрель 21, 2021 09:02

ДУШАНБЕ, 21.04.2021/АМИТ «Ховар»/. Бо ташаббуси Кумитаи рушди сайёҳӣ ва дастгирии Ҳукумати Ҷумҳурии Тоҷикистон ҳайати эҷодии барномаи маъруфи шабакаи телевизиони «НТВ»-и Россия «Поедем, поедим!» ба Тоҷикистон ташриф овард, иттилоъ медиҳад Кумитаи рушди сайёҳии назди Ҳукумати ҷумҳурӣ.

Сафари ҳайати эҷодӣ дар кишвари мо аз 20 то 24 апрели соли равон  идома меёбад. Тибқи барномаи тарҳрезишуда зимни сафар ҳайати эҷодии барнома аз имкониятҳои сайёҳии шаҳрҳои Душанбе, Норак, Ҳисор ва ноҳияи Варзоб аз наздик шиносоӣ пайдо намуда, тарзи омода намудани таомҳои миллиро ба навор мегиранд.

Барномаи «Поедем, поедим!» лоиҳаи маърифатӣ-таблиғотӣ буда, дар қаламрави Россия ва соири кишварҳои ҷаҳон беш аз 200 маротиба пахш гардида, зиёда аз 30 миллион тамошобин дорад. Тавассути барнома фарҳангу тамаддун ва имкониятҳои сайёҳии кишварҳои дунё муаррифӣ мегарданд.

Ҳаводорон ва тамошобинони барномаи «Поедем,поедим!» имконият доранд, ки намоишро доир ба Тоҷикистон тариқи шабакаи НТВ тамошо намоянд. Ҳамзамон, барнома тавассути шабакаҳои иҷтимоии «Ютуб», «Фейсбук», «Инстаграм» ва дигар порталҳои таблиғотӣ дастрас мегардад.

Ҳайати эҷодии барномаи маъруфи шабакаи телевизиони «НТВ»-и Россия «Поедем, поедим!» бори дувум аст, ки аз Тоҷикистон боздид менамоянд. Сафари қаблии ҳайати эҷодии барнома аз 1 то 5 октябри соли 2018 сурат гирифта буд. Пахши барномаҳои тарғиботӣ аз ҷониби шабакаҳои бонуфузи ҷаҳонӣ баҳри муаррифии зарфиятҳои сайёҳии Тоҷикистон дар арсаи байналмилалӣ мусоидат менамояд.

ДАР АКС: барандаи лоиҳаи машҳури «Поедем, поедим!» Ҷон Уоррен ва овозхони тоҷик Мадина Акназарова. 24 ноябри соли 2018 дар шабакаи телевизионии НТВ.

Апрель 21, 2021 09:02

Хабарҳои дигари ин бахш

Дар Хатлон даври дуюми Озмуни ҷумҳуриявии «Тоҷикистон-Ватани азизи ман» оғоз ёфт
ИҶЛОСИЯИ 44-УМИ КУМИТАИ МЕРОСИ ҶАҲОНИИ ЮНЕСКО ИДОМА ДОРАД. 16 иншооти Тоҷикистон чун номзад барои шомилшавӣ ба Феҳристи мероси ҷаҳонии ЮНЕСКО пешниҳод шудаанд
Хонандаи тоҷик дар Олимпиадаи ҷаҳонӣ аз фанни биология (IBO-2021) соҳиби медали биринҷӣ гардид
Мақолаи Раиси Маҷлиси миллӣ, Раиси шаҳри Душанбе Рустами Эмомалӣ дар маҷаллаи «World Tourism Cities» ба нашр расид
Миёни Донишгоҳи давлатии Бохтар ва Донишгоҳи Тирмиз созишномаи ҳамкорӣ ба имзо расид
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ховалинг ба ифтихори ҷашни Истиқлоли давлатӣ 300 иншоот ба истифода супорида шуданд
Дар Қароргоҳи ЮНЕСКО, Беларус ва Амороти Муттаҳидаи Арабӣ Рӯзҳои фарҳанги Тоҷикистон баргузор мегарданд
«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон
Новобаста ба пандемия ва авзои амниятии Афғонистон беш аз 125 ҳазор нафар сайёҳони хориҷӣ аз Тоҷикистон боздид карданд
«Мадади Шарқ», «Амир саёҳат» ва «Сайри Шоҳин» вориди бозори сайёҳии Тоҷикистон гардиданд
Зиёда аз 200 нафар хонандагони мактабҳои Хоруғ дар лагерҳои академӣ ба таълиму истироҳат фаро гирифта шудаанд
80 фоизи ширкатҳои сайёҳиро дар Тоҷикистон ҷавонон роҳбарӣ мекунанд

Маводҳои таҳлилӣ