Татбиқи «Барномаи рушди иҷтимоию иқтисодии шаҳри Турсунзода барои солҳои 2020-2025» баррасӣ шуд
ДУШАНБЕ, 19.04.2021 /АМИТ «Ховар»/. Ҷараёни татбиқи «Барномаи рушди иҷтимоию иқтисодии шаҳри Турсунзода барои солҳои 2020-2025» дар соли 2020 ва натиҷагирӣ аз фаъолияти Кумитаи рушди маҳал дар семоҳаи якуми соли равон дар ҷаласаи сайёри ҳайати мушовараи Кумитаи рушди маҳали назди Президенти ҷумҳурӣ, ки дар шаҳри Турсунзода доир гардид, баррасӣ шуд. Дар ин бора АМИТ «Ховар» бо истинод ба Кумитаи рушди маҳал иттилоъ медиҳад.
Дар ҷаласа Раиси Кумитаи рушди маҳал Қосим Роҳбар, намояндагони Академияи илмҳои кишоварзии Ҷумҳурии Тоҷикистон, вазоратҳои рушди иқтисод ва савдо, молия, нақлиёт, саноат ва технологияҳои нав, кишоварзӣ, меҳнат, муҳоҷират ва шуғли аҳолӣ, маориф ва илм, тандурустӣ ва ҳифзи иҷтимоии аҳолӣ, фарҳанг, кумитаҳои давлатии сармоягузорӣ ва идораи амволи давлатӣ, ҳолатҳои фавқулода, ҳифзи муҳити зист, рушди сайёҳӣ, ҷавонон ва варзиш, мақомоти иҷроияи ҳокимияти давлатии ноҳияҳои Рӯдакӣ, Варзоб ва Шаҳринав иштирок доштанд.
Раиси Кумитаи рушди маҳали назди Президенти ҷумҳурӣ Қосим Роҳбар оид ба вазъи иҷрои марҳилавии рушди иқтисодию иҷтимоӣ ва нишондиҳандаҳои Паёми Президенти Ҷумҳурии Тоҷикистон «Дар бораи самтҳои асосии сиёсати дохилию хориҷӣ» дар шаҳри Турсунзода ва мавзӯъҳои рушди соҳаи саноат, вусъати шуғли пурмаҳсул, рушди сайёҳӣ, дастрасии аҳолӣ ба оби тоза, рушди варзиш ва ҷавонон сухан гуфта, диққати иштирокчиёнро ба иҷрои дастуру супоришҳои Пешвои миллат равона намуд.
Дар ҷаласа Раиси шаҳри Турсунзода Парвиз Акрамзода вобаста ба мавзӯъҳои матраҳгардида, беҳтар гардидани вазъи иҷтимоию иқтисодии шаҳр ва норасоиҳо дар ин самт сухан гуфта, роҳҳои бартараф намудани онҳоро пешниҳод намуд.
АКСҲО: Кумитаи рушди маҳал
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
Дар Минтақаи озоди иқтисодии «Данғара» таъсиси корхонаҳои нав бо сармоягузорони эронӣ баррасӣ гардид
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Тоҷикистон саҳми бахши хусусӣ дар истеҳсоли молҳо ба 80 фоиз расид
Созишномаи шарикии давлат ва бахши хусусӣ оид ба амалишавии рушди низоми почтаи Тоҷикистон ба имзо расид
