«Тоҷик Эйр» аз Бонки миллии Тоҷикистон барои хизматрасонии махсус иҷозатнома дарёфт кард
ДУШАНБЕ, 01.04.2021 /АМИТ«Ховар»/. Раёсати Бонки миллии Тоҷикистон дар асоси қарори марбута ба ширкати ҳавопаймоии «Тоҷик Эйр» барои анҷомдиҳии хизматрасонии махсус бо асъори хориҷӣ ба муддати 3 сол иҷозатнома дод.
Шуъбаи матбуоти Бонки миллии Тоҷикистон хабар медиҳад, ки мутобиқи қарори мазкур Департаменти идораи захираҳои байналмилалӣ ва сиёсати қурби асъор уҳдадор аст дар Феҳристи дорандагони иҷозатнома барои анҷомдиҳии хизматрасонии (фаъолияти) махсус бо асъори хориҷӣ сабти дахлдор ворид намояд.
Бонки миллии Тоҷикистон қарори мазкурро мутобиқи қонунҳои Ҷумҳурии Тоҷикистон «Дар бораи Бонки миллии Тоҷикистон» ва «Дар бораи танзими асъор ва назорати асъор» қабул намудааст.
ҚУРБИ АСЪОР: 1 евро аз 10.8500 то 10.9425 сомонӣ муқаррар шудааст
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
