Вирусологи маъруфи амрикоӣ Ораш Алоӣ ба усули муборизаи Ҳукумати Тоҷикистон бар зидди коронавирус баҳои баланд дод

Апрель 19, 2021 16:49

ДУШАНБЕ, 19.04.2021 /АМИТ «Ховар»/.  Табиби маъруфи эронитабори Амрико, сарвари Пажӯҳишгоҳи байналмилалии тандурустӣ ва тадқиқотии Ню-Йорк Ораш Алоӣ, ки бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба ҳайси коршинос ҳамкорӣ мекунад ва пас аз  силсилаи суҳбатҳояш оид ба COVID-19 дар ВАО-и Тоҷикистон  дар ҷомеаи мо  маҳбубият пайдо намуд, ҳоло ба ҷаҳониён  дар бораи таҷрибаи Тоҷикистон дар мубориза бо коронавирус, ки онро яке аз беҳтаринҳо меҳисобад, ибрози андеша менамояд.

Дирӯз, 18 апрел, дар мусоҳиба бо Радиои байналмилалии Франсия RFI доктор Алоӣ, ки дар бораи амалкарди  мақомоти Эрону Тоҷикистон  дар қиболи коронавирус суҳбат мекард, ба  тадбирҳои андешидаи Ҳукумати Ҷумҳурии Тоҷикистон дар мубориза бо коронавирус баҳои баланд дод.

Ба гуфтаи ӯ, дар мубориза бо вирусҳое чун  COVID-19  қарори сиёсии мақомот ҳам муҳим аст, имконоти бахши тандурустӣ ва  вокуниши ҷомеа низ. Эрону Тоҷикистон дар таърих, забон ва фарҳанг кишварҳои наздиканд, аммо дар байни онҳо фарқиятҳо низ  мавҷуданд. Дар Тоҷикистон тақрибан 10 миллион нафар аҳолӣ зиндагӣ мекунанд. Эрон бо беш аз 80 миллион нафар аҳолӣ  табиист, ки дорои захираҳои бештари инсонӣ низ  мебошад ва ин кишвар инфрасохтори хуби тиббӣ низ дорад. «Чӣ гуна шуд, ки мавҷи чоруми паҳншавии коронавирус дар Эрон оғоз ёфт,  вале дар Тоҷикистон мавҷи ин беморӣ танҳо баҳори соли гузашта фақат як бор ба  амал омад ва инак ёздаҳ ҳафта аст, ки дар он ҷо ягон нафар бо нишонаи бемории COVID-19 ба қайд гирифта нашудааст?!» —  суол медиҳад медиҳад вирусологи маъруф.

«Гап сари он аст, ки мақомоти Тоҷикистон таҳти роҳбарии Президенти мамлакт аз ибтидо роҳи дурустро пеша  намуданд — онҳо карантини сахт эълон накарданд, аммо парвозҳо, клубҳо, театрҳо, масҷидҳо, бозору супермаркетҳо ва дигар ҷойҳои серодамро бастанд ва чорабиниҳои оммавӣ маҳдуд карда шуданд. Пӯшидани ниқоб, нигоҳ доштани масофа ва дигар чораҳои эҳтиётӣ дар ҷойҳои ҷамъиятӣ ҳатмӣ шуд. Ҳамаи ин  тадбирҳо бо қарори Ситоди ҷумҳуриявӣ оид ба тақвияти чораҳои зидди эпидемия, ки бо фармони Сарвари давлат таъсис дода шуда, Сарвазири мамлакат онро роҳбарӣ мекунад, андешида шуданд».

Ораш Алоӣ гуфт, ки дар Эрон низ Ситоди миллии мубориза бо коронавирус фаъолият мекунад, аммо дар он ситод  сапри ин  ё он масъала ба тавофуқ расидан мушкил аст. «Агар дар Тоҷикистон қарорҳо бар асоси ақидаи коршиносон ва далелҳои илмӣ қабул мешуданд, пас дар Эрон  тасмимҳо бар асоси эътиқодоти динӣ ва идеология  гирифта мешуданд. Онҳо ин қазияро сиёсӣ карданд, сарфи назар аз ҳама дастурҳои Вазорати тандурустии кишвар масҷидҳоро набастанд, муллоҳо гуфтанд, ки мардум бояд ба ҷое биёянд, барои  шифо ёфтани  наздикони худ дуо кунанд”, — гуфт Ораш Алоӣ.

«Бешубҳа, илм барои мубориза бо чунин вирусҳои хатарнок, ба монанди COVID-19 ва  умуман бо ҳар гуна беморӣ  назар ба дин   пешниҳодҳои бештар ва муассиртар дорад», —  иброз дошт ӯ.

Ёдовар мешавем, ки қаблан доктор Алоӣ дар мусоҳиба бо агентии русии Sputnik  изҳор намиуда буд, ки чаро Тоҷикистон тавонистааст коронавирусро мағлуб кунад,  вале Иёлоти Муттаҳида  не.  Бино ба гуфтаи ӯ, сирояти коронавирусро бо технология идора кардан имконнопазир аст.

«Тоҷикистон тавонистааст бо се сабаб коронавирусро шикаст диҳад, — гуфт табиб, — аввалан, сиёсати Ҳукумат дар мубориза бо» вабо «-и нав  омили асосӣ гардид”.

Ба ғайр аз ин, ба гуфтаи Ораш Алоӣ, муносибати ҷиддии аҳолӣ дар мубориза бар зидди бемории гирифторшуда низ ҳалкунанда буд, одамон барои аз байн бурдани он худашон кӯшиш ба харҷ доданд.

Вай инчунин саҳми ВАО-ро яке аз  омилҳои пирӯзӣ бар коронавирус донист. Ба андешаи ӯ, воситаҳои ахбори омма дар бораи  ин беморӣ, сабабҳои пайдошиш ва роҳҳо халосӣ аз он, дар бораи вазъи воқеӣ дар Тоҷикистон  ба аҳолӣ сари вақт маълумот расониданд.

Дар айни замон Ораш Алоӣ муносибати саҳлангоронаи ИМА-ро ба ин беморӣ яке аз сабабҳои асосии хурӯҷи он дар ин кишвар дониста, мегӯяд: «Муносибати амрикоиҳо ба коронавирус ҷиддӣ нест ва ба ин сабаб вирус феълан кишварро тарк нахоҳад кард»,- гуфт Алой.

                                                                        АКС: www.rfi.fr/fa

Апрель 19, 2021 16:49

Хабарҳои дигари ин бахш

Пешвои миллат: «Қувваҳои Мусаллаҳ дар айёми барои халқи Тоҷикистон ва давлати тоҷикон ниҳоят ҳассосу сарнавиштсоз хизмати ҷавонмардонаву таърихӣ анҷом доданд»
ҲИФЗИ ОЗОДАПАЛАНГ. Дар Тоҷикистон «Барномаи давлатӣ оид ба ҳифзи бабри барфӣ барои солҳои 2024-2028» қабул гардид
РАВАНДИ ОБИ ДУШАНБЕ. Корҳои омодагӣ ҷиҳати баргузор намудани Конфронси сеюми байналмилалии сатҳи баланд оғоз гардиданд
ПАЙОМАДИ КАМБОРИШУ ХУШК ОМАДАНИ ТИРАМОҲУ ЗИМИСТОН. Он то 30-40 фоизи ҳосили зироати кишоварзиро талаф медиҳад
Эмомалӣ Раҳмон: «Таъкид месозам, ки ҳар оилаи мамлакат бояд ба муҳлати то ду сол захираи маводи зарурии ғизоӣ дошта бошад»
Эмомалӣ Раҳмон: «Сада моҳиятан тақвими чиллашуморӣ аст»
Бемасъулиятӣ ё қафомондагӣ? Сомонаи расмии Агентии авиатсияи граждании назди Ҳукумати Ҷумҳурии Тоҷикистон ба талаботи имрӯз ҷавобгӯ нест. Чаро?
Президенти Тоҷикистон: «Камборишу хушк омадани тирамоҳу зимистони имсола моро водор месозад, ки тамоми имкониятро самаранок истифода намоем»
ТОҶИКИСТОН ВА ҚАТАР. Андешаҳо доир ба афзалият ва дурнамои рушди ҳамкории дуҷониба
ДАР ПАРТАВИ ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛӢ. ТАРБИЯИ ҲУҚУҚӢ – МЕҲВАРИ МАЪРИФАТИ ҲУҚУҚИИ ҶАВОНОН ДАР ҶУМҲУРИИ ТОҶИКИСТОН. Мулоҳизаҳои Ректори Донишгоҳи миллии Тоҷикистон Эмомалӣ Насриддинзода
Президенти Тоҷикистон зимни мулоқот бо соҳибкорон ва сармоягузорони Қатар 8 бахши ояндадорро муаррифӣ намуданд
Эмомалӣ Раҳмон: «Мо барои шаҳрвандони Давлати Қатар низоми бераводиди яктарафаро ба муҳлати 30 рӯз ҷорӣ намудем»