Агентии авиатсияи граждании Тоҷикистон парвозҳои ду ширкати ҳавопаймоии Россияро манъ кард
ДУШАНБЕ, 18.05.2021 /АМИТ «Ховар»/. Агентии авиатсияи граждании назди Ҳукумати Ҷумҳурии Тоҷикистон парвозҳои ширкатҳои ҳавопаймоии «Сибирь» ва «Северный ветер»-ро манъ кард. Дар ин бора имрӯз ба АМИТ «Ховар» директори агентӣ Икром Субҳонзода хабар дод.
Ба гуфтаи ӯ, ширкатҳои мазкур нархи чиптаҳоро бар хилофи созишномаи қаблан бадастомада боло бурдаанд.
«Тавре хабар дода будем, мо онҳоро огоҳ кардем, ки агар нархи чиптаҳои ҳавопайморо паст накунанд, парвозҳоро лағв менамоем. Онҳо протоколро имзо каданд, вале шартҳои онро ба иҷро нарасониданд. Қарори мо танҳо ба ҳимояи манфиатҳои мусофирон нигаронида шудааст», — гуфт директори агентӣ.
Ёдовар мешавем, ки қаблан Агентии авиатсияи гражданӣ бо чаҳор ширкати ҳавопаймоии Россия — «Уральские авиалинии», «Ютэйр», «Сибирь» ва «Северный ветер» — арзиши чиптаҳо аз шаҳрҳои Тоҷикистон ба Россияро мувофиқа карда буд.
Ҳамин тавр, ҷонибҳо ба мувофиқа расиданд, ки нархи чиптаи ҳавопаймо набояд аз 8500 сомонӣ зиёд бошад. Аммо, бисёре аз мусофирон шикоят мекунанд, ки арзиши он ба 15 ҳазор сомонӣ расидааст ва чиптаҳо дар ширкатҳо дар давоми ду моҳ харида мешаванд.
Як манбаи огоҳ аз бозори авиатсия ба Sputnik Тоҷикистон гуфт, ки ҳоло ширкатҳо аз як парвоз то 100 000 доллар даромад мекунанд.
Ҳамин тавр, ба гуфтаи манбаъ, ки мехост номаш гирифта нашавад, бо нархи миёнаи чипта ба маблағи 800 доллар ва 200 мусофир даромад 160 000 долларро ташкил хоҳад дод.
Аз ин даромад ширкати ҳавопаймоӣ бояд барои хароҷоти фурудгоҳ 25 000 доллар, хидматрасонии аэронавигатсия 1 000 доллар, хароҷоти маъмурӣ 9 000 доллар ва сӯзишворӣ тақрибан 20 000 доллар пардохт кунад.
Ҳамин тариқ, фоидаи ширкати ҳавопаймоӣ тақрибан 80 000 доллар хоҳад буд.
Пас аз 1 апрел боз шудани парвозҳо аз Тоҷикистон ба Россия хоҳишмандон барои ба Россия рафтан зиёданд. Мақомоти Тоҷикистон ба афзоиши шумораи парвозҳо ба Россия ҳавасманд мебошанд.
«Пеш аз ҳама, ширкатҳои ҳавопаймоӣ бояд манфиати мусофирони худро фикр намоянд ва нархи ғайривоқеии чиптаро муқаррар накунанд», — гуфт Субҳонзода.
Ба гуфтаи ӯ, «Сибирь» ва «Северный ветер» метавонанд парвозҳоро аз сар гиранд, агар онҳо адолат нишон дода, арзиши чиптаҳоро бо мувофиқаи ҷонибҳо муқаррар кунанд.
Қаблан чаҳор ширкати ҳавопаймоии Россия — «Уральские авиалинии», «Ютэйр», «Сибирь» ва «Северный ветер» аз Тоҷикистон ба Россия ва баръакс парвозҳои чартерӣ анҷом медоданд.
Тибқи иттилои Агентии авиатсияи граждании Тоҷикистон, як ширкати дигари ҳавопаймоии Россия – «Azur Air» низ чанде пеш иҷозаи парвозро гирифтааст.
АКС аз АМИТ «Ховар»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
