Ба донишҷӯёни Донишгоҳи давлатии Данғара муқаррароти қонунҳои Ҷумҳурии Тоҷикистон фаҳмонида шуд

Май 22, 2021 11:00

ДУШАНБЕ, 22.05.2021 /АМИТ «Ховар»/. Дар арафаи Рӯзи ҷавонони Тоҷикистон, ки ҳамасола 23 май таҷлил мегардад, дар Донишгоҳи давлатии Данғара бо мақсади таъмини иҷрои талаботи “Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2020-2030”   бо иштироки кормандони Маркази миллии қонунгузории назди Президенти Ҷумҳурии Тоҷикистон оид ба мавзӯъҳои муҳтавои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ”, муқаррароти Қонуни Ҷуҳурии Тоҷикистон “Дар барои уҳдадории ҳарбӣ ва хизмати ҳарбӣ”, муқаррароти қонунҳои Ҷумҳурии Тоҷикистон “Дар бораи мубориза бар зидди терроризм” ва “Дар барои муқовимат ба экстремизм” мулоқот баргузор гардид.

Дар ин бора  ёвари ректор ва мудири бахши  робита бо фазои иттилоотии Донишгоҳи давлатии Данғара Муҳаммад  Шораҳимзода ба АМИТ «Ховар» хабар дод.

Ректори Донишгоҳи давлатии Данғара,   профессор Нуралӣ Шоҳиён   ҷавонону донишҷӯёнро бо Рӯзи ҷавонони Тоҷикистон таҳният гуфта, зикр намуд, ки “ҳамасола дар ҷараёни пешниҳоди Паём Пешвои миллат дар баробари дигар масъалаҳои муҳими дохилию хориҷӣ ба масъалаи ҷавонон низ таваҷҷуҳи махсус зоҳир менамоянд ва раванди таълиму тарбия, омӯзиши имлҳои замони муосир, баланд бардоштани ҳисси миллию дарки хештаншиносиро миёни ҷавонон таъкид месозанд».

Зимни мулоқот намояндагони Маркази миллии қонунгузории назди Президенти Ҷумҳурии Тоҷикистон оид ба муқарароти қонунгузории Ҷумҳурии Тоҷикистон дар бораи уҳдадории ҳарбӣ ва хизмати ҳарбӣ, қонунгузории Ҷумҳурии Тоҷикистон дар бораи мубориза бар зидди терроризм ва қонунгузории Ҷумҳурии Тоҷикистон дар бораи муқовимат ба экстремизм сухан гуфтанд.

Бо таъкид гуфта шуд, ки насли ҷавонро зарур аст, то дорои ҳисси баланди миллӣ бошанд, бо Ватан, миллат ва давлати соҳибистиқлоли худ ифтихор намуда, барои ҳимояи онҳо ҳамеша омода ва ҳушёру зирак бошанд, зеро имрӯз рисолати асосии ҷавонон ҳифзи марзу буми кишвар, таҳкими истиқлоли давлатӣ ва ваҳдати миллӣ мебошад. Ҷавонон бояд зиракии сиёсиро аз даст надиҳанд, ҳамеша ҳушёру солим бошанд ва тавонанд бо маърифати баланди сиёсӣ давлату миллати худро ҳифзу ҳимоя намоянд.

Май 22, 2021 11:00

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст