«Хуҷанд» — ғолиби марҳилаи аввали Чемпионати Тоҷикистон оид ба футбол миёни дастаҳои Лигаи олӣ
ДУШАНБЕ, 26.05.2021 /АМИТ «Ховар»/. Марҳилаи аввали Чемпионати Тоҷикистон оид ба футбол миёни дастаҳои Лигаи олӣ бо пирӯзии дастаи футболи «Хуҷанд»-и шаҳри Хуҷанд ба анҷом расид. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
25 май се бозии даври ҷамъбастии Чемпионати Тоҷикистон оид ба футбол миёни дастаҳои Лигаи олӣ баргузор шуданд. Дар ду бозӣ мизбонон мағлуб гардида, як бозӣ мусовӣ анҷом ёфт.
Дастаи футболи «Душанбе»-и шаҳри Душанбе дар бозии хонагӣ аз дастаи «Эсхата»-и шаҳри Хуҷанд бо ҳисоби 1:2 мағлуб гардид. Дастаи нави дигари Лигаи олӣ – «Эсхата»-и Хуҷанд тавассути голҳои задаи Боҳирҷон Сангибоев ва Парвиз Алиев се холи дигар ба даст оварда, бо 11 хол ба ҷои чоруми ҷадвал баромад. Голи дастаи футболи «Душанбе»-и шаҳри Душанберо Фарҳод Қосимов ба ҳадаф расонид.
Дар бозии дигар дастаи футболи «Хатлон»-и шаҳри Бохтар, ки дар се бозии охир пайиҳам пирӯз гашта буд, аз дастаи футболи «Файзканд»-и ноҳияи Восеъ бо ҳисоби 0:1 шикаст хӯрд. Голи ягонаи сабқатро Абдухалил Боронов ба нишон расонида, дастаашро ба ҷои сеюми ҷадвали чемпионат баровард.
Бозӣ миёни дастаҳои КМВА-и шаҳри Душанбе ва «Истаравшан»-и шаҳри Истаравшан бо ҳисоби мусовӣ-0:0 хотима ёфт.
Бо ҳамин дар Чемпионати Тоҷикистон оид ба футбол миёни дастаҳои Лигаи олӣ то 20 июни соли равон танаффус эълон мешавад. Вале то он вақт мо шояд шоҳиди бозиҳои мавқуфмондаи марҳилаи якум гардем.
Хотиррасон мешавем, ки дар марҳилаи якум 10 бозӣ, хусусан бозиҳо бо иштироки дастаи футболи «Истиқлол»-и шаҳри Душанбе баргузор нашудаанд: дастаҳои «Истиқлол» бо Душанбе» (даври дуюм), «Истаравшан» бо «Истиқлол» (даври 3), «Истиқлол» бо «Хатлон» (даври 4), «Файзканд» бо «Истиқлол» (даври 5), «Хуҷанд» бо «Файзканд», КМВА бо «Равшан» (даври 7), «Истиқлол» бо «Равшан», «Эсхата» бо «Хуҷанд» (даври 8), «Равшан» бо «Кӯктош» ва «Хуҷанд» бо «Истиқлол» (даври 9) байни ҳам рақобат мекунанд.
| ДАСТАҲО | Б | Ғ | М | Б | Т | Т | ФТ | Х | |
| 1 | «Хуҷанд»(ХУҶАНД) | 6 | 4 | 1 | 1 | 14 | 5 | +9 | 13 |
| 2 | «Хатлон» (БОХТАР) | 8 | 3 | 3 | 2 | 9 | 7 | +2 | 12 |
| 3 | «Файзканд» (ВОСЕЪ) | 7 | 3 | 3 | 1 | 8 | 6 | +2 | 12 |
| 4 | «Эсхата» (ХУҶАНД) | 8 | 3 | 2 | 3 | 13 | 12 | +1 | 11 |
| 5 | «Куктош» (РӮДАКӢ) | 8 | 3 | 2 | 3 | 10 | 14 | -4 | 11 |
| 6 | «Душанбе»(ДУШАНБЕ) | 8 | 2 | 3 | 3 | 13 | 16 | -3 | 9 |
| 7 | «Истаравшан» (ИСТАРАВШАН) | 8 | 2 | 3 | 3 | 8 | 9 | -1 | 9 |
| 8 | «Истиқлол» (ДУШАНБЕ) | 3 | 2 | 1 | 0 | 4 | 1 | +3 | 7 |
| 9 | КМВА (ДУШАНБЕ) | 8 | 1 | 2 | 5 | 6 | 12 | -6 | 5 |
| 10 | «Равшан»(КӮЛОБ) | 6 | 1 | 2 | 3 | 5 | 8 | -3 | 5 |
Акс аз ФФТ
Федератсияи ҷиу-ҷитсуи Тоҷикистон бо Иттиҳодияи ҷиу-ҷитсуи Осиё (JJAU) ҳамкориро тақвият медиҳад
ЛИГАИ ЧЕМПИОНҲО-2-И ОСИЁ. «Истиқлол» дар сафар бар дастаи футболи «Гоа»-и Ҳиндустон ғолиб омад
Нуралӣ Арабзода раиси Федератсияи тенниси рӯи мизи Тоҷикистон интихоб карда шуд
Дастаи миллии Тоҷикистон оид ба ҷиу-ҷитсу ба Бозиҳои Осиёӣ омодагӣ мебинад
НАТИҶАҲОИ СОЛИ 2025: Дастаи Тоҷикистон дар чемпионати ҷаҳонии «ACBJJ-2025» 40 медал ба даст овард
Беҳтарин варзишгарони Ҷумҳурии Тоҷикистон дар соли 2025 муайян карда шуданд
ФУТБОЛ. Дастаи мунтахаби Тоҷикистон соли 2025-ро дар раддабандии ФИФА бо мақоми 101-ум ҷамъбаст кард
ЧЕМПИОНАТИ ТОҶИКИСТОН ОИД БА ГӮШТИНИ ҶУДО. Ғолибони он дар шаҳри Душанбе муайян гардиданд
Манучеҳр Каримзода раиси Федератсияи ҷиу-ҷитсуи Тоҷикистон интихоб шуд
Варзишгарони тоҷик аз Парабозиҳои V Осиё бо дастоварди бузург ба Ватан баргаштанд
ЧЕМПИОНАТИ ҶАҲОН ОИД БА БОКС. Муштзанҳои ҷавони тоҷик соҳиби медалҳои нуқра ва биринҷӣ гардиданд
Мусобиқа оид ба футбол байни дастаҳои деҳаҳо ва маҳаллаҳои аҳолинишини Тоҷикистон ҷамъбаст гардид
