Имрӯз дар Вазорати адлия ҳамоиши ҷавонони касбу кори гуногун доир мегардад

Май 4, 2021 13:44

ДУШАНБЕ, 04.05.2021 /АМИТ «Ховар»/. Ба ифтихори 30-юмин солгарди Истиқлоли давлатии Ҷумҳурии Тоҷикистон шурӯъ аз имрӯз дар мамлакат ҳамоишҳои ҷавонони касбу кори гуногуни вазорату идораҳо, ташкилоту муассисаҳо ва мақомоти иҷроияи ҳокимияти давлатӣ таҳти унвони «Нақши ҷавонон дар 30 соли соҳибистиқлолӣ: дастовард ва дурнамо!» оғоз мегарданд.

Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» иттилоъ доданд, имрӯз ҳамоиши ҷавонони Вазорати адлияи Ҷумҳурии Тоҷикистон баргузор шуда, то моҳи декабри соли равон ҳар ҳафта рӯзҳои сешанбе ва ҷумъа баргузории чунин ҳамоишҳо дар вазорату идораҳои дахлдор дар назар аст.

Дар ҳамоиши мазкур сохторҳои масъулин қабл аз баргузории ҳамоишҳо намоиши дастовардҳои соҳаи худро ба маърази тамошо гузошта, вобаста ба дастовардҳои соҳа маърӯза менамоянд ва доир ба ояндабинии соҳа ва таъмини нақши ҷавонон дар он маълумот медиҳанд.

Ёдовар мешавем, ки Кумитаи кор бо ҷавонон ва варзиш ҳамчун мақомоти ваколатдори давлатӣ дар заминаи таҷлили сазовори ҷашни муқаддаси милливу давлатӣ- 30-юмин солгарди Истиқлоли давлатии Ҷумҳурии Тоҷикистон тасмим гирифтааст, ки  силсилаҳамоишҳои ҷавонони касбу кори гуногуни кишварро таҳти  унвони «Нақши ҷавонон дар 30 соли соҳибистиқлолӣ: дастовард ва дурнамо» дар ҳамкорӣ бо вазорату идораҳо, ташкилоту муассисаҳо ва мақомоти иҷроияи ҳокимияти давлатӣ баргузор намояд.

Мақсад аз баргузории ҳамоиш муаррифӣ намудани дастовардҳои 30 соли даврони истиқлоли мамлакат, пешрафт ва дурнамои соҳаҳои гуногуни хоҷагии халқ ва таҳким бахшидани нақши ҷавонон дар рушди босуботи мамлакат мебошад.

Май 4, 2021 13:44

Хабарҳои дигари ин бахш

Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст