Марҳилаи дуюми иммунизатсия бар зидди COVID-19 миёни кормандони соҳаи тандурустӣ оғоз шуд
ДУШАНБЕ, 26.05.2021. /АМИТ «Ховар»/. 25 май марҳилаи дуюми иммунизатсия бар зидди бемории коронавирус миёни кормандони Муассисаи давлатии «Маҷмааи тандурусти Истиқлол» ва якчанд муассисаҳои тандурустии пойтахт оғоз гардид.
Тавре аз Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, маъракаи дуюми иммунизатсия бар зидди COVID-19 марҳила ба марҳила миёни кормандони соҳаи тандурустии пойтахт, вилоятҳо ва шаҳру навоҳӣ бургузор мегардад.
Марҳилаи аввали маъракаи иммунизатсия бар зидди бемории коронавирус 23 марти соли равон оғоз шуда, аввалан он миёни кормандони соҳаи тандурустӣ ва соҳаи маориф ва илми пойтахти кишвар- шаҳри Душанбе доир шуд.
Воридоти ваксинаи «AstraZeneca» ва ба иммунизатсия фаро гирифтани аҳолӣ бо ташаббуси Ҳукумати Ҷумҳурии Тоҷикистон ва дастгирии шарикон оид ба рушд дар чаҳорчӯби механизми ҷаҳонии дастрасии одилона ба ваксинаҳои Созмони умумиҷаҳонии тандурустӣ (COVAX) бар зидди бемории COVID-19 сурат гирифт. Ваксинаи ширкати британиягии Оксфорд “AstraZeneca”, ки дар “Пажӯҳишгоҳи зардобаҳои Ҳиндустон” истеҳсол шудааст, ба Ҷумҳурии Тоҷикистон ҷудо ва ворид гардид.
Ёдовар мешавем, ки бо мақсади ҷилавгирии вуруди навбатии беморӣ ба ҷомеа ва таъмини сиҳатии сокинон 8 марти соли 2021 дар чаҳорчӯби механизми ҷаҳонии дастрасии одилона ба ваксинаҳои Созмони умумиҷаҳонии тандурустӣ (COVAX) қисми якум дар ҳаҷми 192 000 воя ваксина тавассути парвози махсуси “Сомон-Эйр” аз Деҳлӣ ба Душанбе интиқол дода шуд.
АКС: аз Вазорати тандурустӣ ва ҳифзи иҷтимоии аҳолии ҶТ
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
