В.Путин дастур дод, ки омӯзиши забони русӣ дар ИДМ тақвият дода шавад

ДУШАНБЕ, 14.05.2021 /АМИТ «Ховар»/. Россия бо шарикони худ дар ИДМ барои паҳн кардани забони русӣ корҳои зиёдеро анҷом медиҳад, аммо ин бешубҳа, кофӣ нест,- гуфт президенти Федератсияи Россия Владимир Путин. Вай ба вазири маориф Сергей Кравтсов супориш дод, ки ба ин давлатҳо пешниҳодҳои иловагӣ барои дастгирии омӯзиши забони русӣ манзур намояд, менависад рӯзномаи давлатии  «Российская газета».           

Дар мулоқот бо аъзои ҳукумат Путин зикр кард, ки қабули донишҷӯён аз кишварҳои ИДМ барои таҳсил дар донишгоҳҳои Россия ҷузъи хеле муҳими фаъолияти  муштарак бо шарикон мебошад.

«Дар ин робита, мо бояд ба рушди забони русӣ дар ин кишварҳо диққати зарурӣ диҳем, омӯзиши забони русиро дастгирӣ кунем»- гуфт Президент ва аз Вазорати маориф хоҳиш кард, ки «таклифҳои иловагӣ пешниҳод кунад». «Зеро он чизе, ки имрӯз анҷом дода мешавад, ба таври равшан кофӣ нест. Бале, мо дар ин самт кор карда истодаем, аммо, такрор мекунам, назар ба он чи ки мо имрӯз анҷом дода истодаем, мумкин аст аз ин зиёдтар карда шавад », — иброз дошт Сарвари давлат.

Ба гуфтаи вай, мавзӯи омӯзиши забони русӣ чанде қабл дар ҷараёни сафари кории Президенти Тоҷикистон Эмомалӣ Раҳмон ба Москва баррасӣ шуд. Доир ба ин давлат ба Сергей Кравтсов низ супориш дода шуд, ки таклифҳо пешниҳод кунад.

«Мақомоти маҳаллӣ, мақомоти ҷумҳуриявӣ дар ин самт метавонанд корҳое анҷом диҳанд, аммо бидуни дастгирии мо вазифаҳои дар пешгузошташуда ғайриимкон аст ҳалли худро ёбанд. Ва мо, албатта, ба ин таваҷҷуҳ дорем. Мо бояд дар ин ҷо фаъолтар кор кунем”, — хулоса кард Владимир Путин.

                                                    АКС аз манбаъҳои боз