Варзишгари маъруфи тоҷик Баҳодур Усмонов ба даври нимниҳоии Чемпионати Осиё роҳ ёфт

Май 26, 2021 16:21

ДУШАНБЕ, 26.05.2021 /АМИТ «Ховар»/. Варзишгари шинохтаи тоҷик Баҳодур Усмонов дар рӯзи дуюми рақобатҳои Чемпионати Осиё оид ба бокс бо муштзани кишвари Филиппин — Ҷон Паул Пануаян қувва санҷид. Муштзани шинохтаи тоҷик дар ду давр бартарии комил дошт. Дар раунди сеюм ӯ ҳарифашро зери   зарбаҳои шадиди худ қарор дод ва довар қабл аз анҷоми вақт рақобатро боз дошта, пирӯзиро ба Баҳодур Усмонов дод. Дар ин бора  шореҳи варзиши ТВ «Варзиш» Каримхон Бекматов  ба  хабарнигори АМИТ «Ховар»  Меҳрони Қурбон хабар дод.

Ин варзишгари муваффақи тоҷик ба даври навбатии мусобиқот баромад. Акнун дар даври ½-ниҳоӣ Баҳодур Усмонов бо намояндаи кишвари Ҳиндустон сабқат мекунад. Ин маротиба низ Баҳодур мақсад дорад, то унвони чемпиони Осиёро дубора аз худ кунад. Ёдовар мешавем, ки Ассотсиатсияи байналмилалии бокс эълон намуд, ки барои ғолибони Чемпионати Осиё 10 ҳазор доллар, барои барандаи нишони нуқра 5 ҳазор доллар ва барои ҷойи сеюм 2,5 ҳазор доллар тақдим карда мешавад.

Хотиррасон мешавем, ки  Ҷумҳурии Тоҷикистонро дар ин мусобиқа  боз Миҷгона Самадова, Шоира Зулқайнарова, Нилуфар Бобоёрова, Иззатуло Алиев, Сомон Ғоибов, Саидикром Амонов ва Шаббос Негматуллоев намояндагӣ мекунанд.

Чемпионати Осиё оид ба бокс  дар шаҳри Дубайи Аморати Муттаҳидаи Араб   21 май оғоз ёфт ва то 1 июн идома меёбад.

Дар намуди бокс варзишгарони мо ду роҳхати Бозиҳои олимпӣ ба даст овардаанд. Баҳодур Усмонов дар вазни 64кг ва Шаббос Негматуллоев дар вазни 81кг Ҷумҳурии Тоҷикистонро дар Бозиҳои олимпии Токио, ки аз 23 июл то 8 августи соли 2021 баргузор мешавад, намояндагӣ мекунанд.

                                                    АКС аз бойгонии шахсии Б. Усмонов

 

Май 26, 2021 16:21

Хабарҳои дигари ин бахш

НИШАСТИ МАТБУОТӢ. Соли 2024 варзишгарони ноҳияи Шоҳмансур соҳиби 111 медали тилло гардиданд
НИШАСТИ МАТБУОТӢ. Донишкадаи тарбияи ҷисмонии Тоҷикистон бо 35 донишгоҳи хориҷи дуру наздик ҳамкорӣ менамояд
ЧЕМПИОНАТИ CAFA-2025. Дастаи мунтахаби занонаи футзали Тоҷикистон бо дастаи Қирғизистон бозӣ мекунад
Дар Мусобиқаи байналмилалии «Grand Slam»-и шаҳри Боку аз Тоҷикистон шаш варзишгар иштирок менамояд
Варзишгарони тоҷик дар Бозиҳои навбатии зимистонаи осиёӣ дар Ҳарбини Чин иштирок мекунанд
ФУТБОЛ. Имрӯз қуръакашии марҳилаи ниҳоии Ҷоми ФФТ-2025 баргузор мегардад
ҶОМИ ФФТ-2025. Дастаҳои КМВА-и шаҳри Душанбе ва «Регар-ТадАЗ»-и шаҳри Турсунзода бо ҳам бозӣ намуданд
Ғолибони даври сенздаҳуми Суперлигаи Тоҷикистон оид ба футзал муайян шуданд
Рустами Эмомалӣ бо ҷомеаи футболи Тоҷикистон мулоқот намуданд
ҶОМИ ФФТ-2025. Дастаи футболи «Регар-ТадАЗ»-и шаҳри Турсунзода бар дастаи «Шодмон»-и шаҳри Ҳисор ғолиб омад
«ҶОМИ РУШД-2025. Дастаи мунтахаби наврасони Тоҷикистон (U-17) бо дастаҳои Русия, Эрон ва Қазоқистон бозӣ мекунад
Ғолибони Чемпионати Тоҷикистон оид ба гӯштини кураш муайян шуданд