Байни Кумитаи ҳифзи муҳити зисти Тоҷикистон ва Институти муҳити зисти Финляндия Ёддошти тафоҳум ба имзо расонида шуд
ДУШАНБЕ,18.06.2021/АМИТ «Ховар»/. Байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Институти муҳити зисти Финляндия SYKE оид ба рушди мониторинги сатҳи болои об дар Тоҷикистон тавассути идоракунии сифати об ва ҳамкорӣ (марҳилаи 2) Ёддошти тафоҳум ба имзо расонида шуд. Санади мазкурро аз ҷониби Ҷумҳурии Тоҷикистон Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва аз ҷониби Финляндия сафири Вазорати корҳои хориҷии Финляндия Мария Лийвала ба имзо расониданд.
Тибқи иттилои Кумитаи ҳифзи муҳити зисти назди Ҳукумати Ҷумҳурии Тоҷикистон, ин санад зимни вохӯрии маҷозии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва сафири Вазорати корҳои хориҷии Финляндия Мария Лийвала имзо гардид.
Ҳадафи асосии лоиҳа тақвияти иқтидори мутахассисони лабораторияҳои Кумитаи ҳифзи муҳити зисти назди Ҳукумати Ҷумҳурии Тоҷикистон (озмоишгоҳи Маркази назорати таҳлилӣ, озмоишгоҳи обҳои рӯизаминии Агентии гидрометеорология ва лабораторияҳои минтақавӣ), ки мунтазам сифати обро таҳлил мекунанд, мебошад. Кор дар ин самт бояд бо назардошти стандартҳои байналмилалии мониторинги сифати обҳои рӯизаминӣ идома дода шавад.Ёддошти тафоҳум татбиқи марҳилаи дуюми лоиҳа -давраи солҳои 2021-2023-ро пешбинӣ намудааст. Лоиҳаи мазкур бо кӯмаки молиявии Вазорати корҳои хориҷии Финляндия амалӣ карда мешавад.
Акси Кумитаи ҳифзи муҳити зисти назди Ҳукумати ҷумҳурӣ
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
