Дар Истаравшан масъалаи пешгирӣ аз паҳншавии бемории сироятии коронавируси COVID-19-ро баррасӣ карданд
ДУШАНБЕ, 23.06.2021 /АМИТ «Ховар»/. Имрӯз дар мақомоти иҷроияи ҳокимияти давлатии шаҳри Истаравшан ҷаласаи навбатии Ситоди доимамалкунандаи шаҳрӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавируси COVID-19 баргузор гардид. Ситоди шаҳрӣ қарор кард, ки корҳои фаҳмондадиҳӣ ҷиҳати риояи қойидаҳои беҳдошт дар ҷойҳои ҷамъиятӣ, аз ҷумла бозорҳо, марказҳои калони савдо ва хизматрасонӣ, нақлиёт, масҷидҳо ва ташкилоту идораҳо пурзӯр карда ва аз ҷониби масъулин дар ин самт назорати қатъӣ ба роҳ монда шавад.
Тавре аз маркази матбуоти дастгоҳи Раиси шаҳри Истаравшан ба АМИТ “Ховар” хабар доданд, ҷаласа таҳти раёсати раиси шаҳри Истаравшан, раиси Ситоди доимамалкунандаи шаҳрӣ Адҳам Маъмурзода бо иштироки роҳбарону масъулони соҳаи тандурустӣ, марказҳои саломатии шаҳр, роҳбарони воҳидҳои сохторӣ, кормандони дастгоҳи раиси шаҳр, раисони ҷамоатҳои деҳот, кумитаи маҳаллаҳо ва намояндагони воситаҳои ахбори омма ҷараён гирифт.
Дар ҷаласа нахуст гузориши сартабиби Беморхонаи марказии шаҳр Фарҳод Обидӣ доир ба вазъи пешгирии бемориҳои сироятӣ ва тадбирҳои зиддиэпидемиявӣ шунида шуд.
Зикр гардид, ки дар шаҳр барои пешгирии интиқолу паҳншавии бемории сироятӣ аз тамоми имкониятҳо истифода бурда шуда, ҷиҳати тақвияти корҳои безараргардонӣ мунтазам чораандешӣ карда мешавад. Бори дигар таъкид карда шуд, ки риояи дастуру талаботи Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии коронавируси COVID-19 ва Вазорати тандурустӣ ва ҳифзи иҷтимоии аҳолии мамлакат ҳатмӣ буда, сокинон бояд қойидаҳои беҳдоштиро пурра риоя намоянд.
Ҳамзамон ба масъулин вобаста ба ҷоннок намудани омодагиҳо ба давраи зимистон, захираи маводи доруворӣ, ба роҳ мондани гардиши хона ба хонаи табибон, густариши корҳои фаҳмондадиҳӣ баҳри пешгирии сирояти беморӣ дастуру супоришҳо дода шуд.
Аксҳо аз Мақомоти иҷроияи ҳокимияти давлатии шаҳри Истаравшан
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
Дар ноҳияи Рӯдакӣ таҳти унвони «Оила-рамзи муҳаббат, вафо ва ҳамдигарфаҳмӣ» ҳамоиш доир гардид
Ноҳияи Дӯстии вилояти Хатлон нақшаи истеҳсоли пилларо пурра иҷро намуд
ИМРӮЗ — РӮЗИ БАЙНАЛМИЛАЛИИ ОИЛА. Барномаи давлатии рушди оила дар Тоҷикистон ба таҳкими пояҳои оиладорӣ нигаронида шудааст
Имрӯз дар Тоҷикистон ҳаво то 36 дараҷа гарм мешавад
Дар ноҳияи Нуробод бахшида ба Рӯзи байналмилалии оила ҳамоиши маърифатӣ доир гардид
«ДУШАНБЕ — ШАҲРИ САРСАБЗ, ГУЛПӮШ ВА НАЗАРРАБО». Андешаҳои иштирокчии Конфронси Созмони озуқаворӣ ва кишоварзӣ дар ин маврид
