Дар Маркази миллии тестӣ аккредитатсияи намояндагони воситаҳои ахбори омма (ВАО) оғоз мегардад

Июнь 24, 2021 17:59

ДУШАНБЕ, 24.06.2021 /АМИТ «Ховар»/. Аз 25 то 29 июни соли равон дар Маркази миллии тестии назди Президенти Ҷумҳурии Тоҷикистон  аккредитатсияи намояндагони воситаҳои ахбори омма (ВАО) барои боздид аз марказҳои имтиҳонӣ ва инъикоси иттилоотии баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна олии касбӣ (ИМД), ки даври асосии он аз 1 то 7 июли соли равон дар 47 маркази имтиҳонӣ доир мегардад, гузаронида мешавад.

Тавре аз маркази матбуоти Маркази миллии тестӣ  ба АМИТ «Ховар» иттилоъ доданд,  мувофиқи тартиби муқаррарнамудаи Ҳукумати Ҷумҳурии Тоҷикистон ҳузури намояндагони ВАО, ки тибқи тартиби муқаррарнамудаи Марказ барои боздиди марказҳои имтиҳонӣ аз аккредитатсия гузаштаанд, дар маркази имтиҳонӣ то оғози имтиҳон иҷозат дода мешавад.

Намояндагони ВАО, ки хоҳиши боздид аз марказҳои имтиҳонӣ ва инъикоси иттилоотии раванди ИМД-ро доранд, бояд ба Марказ муроҷиат намоянд. Барои баррасии муроҷиат пешниҳоди маълумоти зерин лозим аст:

— номи пурраи расмии ВАО, ҳудуди паҳншавии маҳсулоти ВАО, шакли нашри иттилоот, даврияти чопи ВАО, адади нашри ВАО, индекси почта ва нишонии редаксияи ВАО, рақами телефони сармуҳаррири ВАО, нишонии почтаи электронӣ;

— ному насаб (пурра)-и намояндаи ВАО, вазифаи ишғолнамуда, рақами шаҳодатномаи хизматӣ, рақами телефони мобилӣ ва нишонии почтаи электронии намояндаи ВАО;

— номи пурраи расмии ВАО/журналисти хориҷӣ, давлат, шаҳодатномаи аккредитатсияи ВАО/журналист дар Вазорати корҳои хориҷии Ҷумҳурии Тоҷикистон, вазифаи ишғолнамудаи намояндаи ВАО, рақами телефони мобилӣ ва почтаи электрониаш.

Ҳамчунин телефонҳо барои тамос: 224 53 68, 224 53 66; 882 20 07 07
E-mail: office@ntc.tj фаъол мебошад.

Ёдовар мешавем, ки 47 марказҳои имтиҳонӣ дар заминаи муассисаҳои таълимии таҳсилоти миёнаи умумии 18 шаҳру ноҳияи ҷумҳурӣ (Исмоили Сомонӣ, Сино, Фирдавсӣ, Шоҳмансур, Рашт, Хуҷанд, Истаравшан, Конибодом, Панҷакент, Бобоҷон Ғафуров, Бохтар, Кӯлоб, Восеъ, Данғара, Кӯшониён, Ҷалолиддини Балхӣ, Шаҳритус ва Хоруғ) ташкил гардиданд.

Июнь 24, 2021 17:59

Хабарҳои дигари ин бахш

Иштирокдорони Форуми XVIII зиёиёни эҷодкор ва олимони кишварҳои ИДМ бо таъриху тамаддуни тоҷикон шинос шуданд
«НИДОИ ЛОЗУР». Таҳти чунин унвон Форуми пиряхҳо ва барномаи фарҳангӣ баргузор мегардад
Форуми XVIII зиёиёни эҷодкор ва олимони кишварҳои аъзои Иттиҳоди Давлатҳои Мустақил баргузор шуд
Академияи миллии илмҳои Тоҷикистон ва Донишгоҳи миллии техникии Беларус ҳамкории илмиро тақвият медиҳанд
Дар Душанбе Форуми зиёиёни эҷодкор ва олимони давлатҳои иштирокдори Иттиҳоди Давлатҳои Мустақил оғоз шуд
Дар Тоҷикистон Рӯзҳои фарҳанги Озарбойҷон доир мешаванд
«ШАБЕ ДАР ОСОРХОНА». Ин иқдом ба Рӯзи байналмилалии осорхонаҳо бахшида мешавад
Дар шаҳри Қазвини Эрон фарҳанги Тоҷикистон муаррифӣ карда шуд
Дар Донишкадаи давлатии санъати тасвирӣ ва дизайн Фестивали мӯд-2025 баргузор шуд
ИМРӮЗ-РӮЗИ ШАШМАҚОМ. Ин шоҳасари мадании мусиқии тоҷик чун мероси аҷдодӣ давоми асрҳо аз устод ба шогирд гузаштааст
Даҳаи дуюми моҳи май 115-солагии Шоири халқии Тоҷикистон Боқӣ Раҳимзода ҷашн гирифта мешавад
Дар Донишгоҳи технологии Тоҷикистон озмуни «Ҳар он кас, ки шоҳномахонӣ кунад» баргузор шуд