Дар Москва бо сабаби коронавирус маҳдудиятҳои нав ҷорӣ карда шуданд

Июнь 14, 2021 10:59

ДУШАНБЕ, 14.06.2021 /АМИТ «Ховар»/. Шаҳрдори Москва Сергей Собянин бинобар бад шудани вазъи беҳдоштӣ дар Москва ҷорӣ намудани маҳдудиятҳои навро эълом намуд. Аз ҷумла, ба корфармоён тавсия дода шудааст, ки аз 13 июн на камтар аз 30% кормандонро, инчунин ҳамаи кормандони синнашон аз 65 сола боло ва гирифтори бемориҳои музминро, ба истиснои ашхоси эмшуда, ба реҷаи кори фосилавӣ гузаронанд, хабар медиҳад «АЗЕРТАДЖ»  бо истинод ба ВАО-и  Россия.

Рӯзҳои 15 — 19 июн бо ҳифзи маош ғайри корӣ эълон шудаанд. Дар ҳамин муҳлат  барои ташкилотҳо ва соҳибкорони инфиродӣ реҷаи кории мушобеҳи реҷаи корӣ дар рӯзи истироҳат муқаррар карда мешавад.

Ба ҳамин тартиб, «рӯзҳои итироҳатии тӯлонӣ» нӯҳ рӯз — аз 12 то 20 июн тамдид мешаванд.

Инчунин аз 13 то 20 июн фаъолияти боғҳои ҳайвонот, фудкортҳо (нуқтаҳои фурӯши ғизо дар марказҳои тиҷоратӣ), утоқҳои бозии  кӯдакон  боздошта мешаванд. Барҳо, қаҳвахонаҳо ва клубҳои шабона метавонанд чорабиниҳои фароғатӣ ва қабули мизоҷонро аз соати 23.00 то 6.00 ташкил кунанд (додани фармоишҳо ва ба фармоишгарон расонидани онҳо маҷоз аст).

Як рӯз пеш дар Москва 6701 ҳолати нави сироятёбӣ бо COVID-19 ошкор шуд, рӯзе пештар ситоди  фаврӣ нишондоди баландтаринро аз моҳи январ ба ин тараф сабт намуд.

АКСИ: Максим Блинов/РИА «Новости»

Июнь 14, 2021 10:59

Хабарҳои дигари ин бахш

Дар Покистон бар асари боронҳои шадид ва обхезӣ 307 нафар ҳалок ва даҳҳо нафар маҷруҳ шуданд
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид