ФАВРӢ! Гутерришро ба муҳлати дуввум дабири кулли СММ таъйин карданд
ДУШАНБЕ, 18.06.2021 /АМИТ «Ховар»/. Маҷмаи Умумии СММ Антонио Гутерришро бори дуввум дабири кулли созмон таъйин кард: муҳлати навбатии ӯ дар ин вазифа аз 1 январи соли 2022 то 31 декабри соли 2026 мебошад. Тавре АМИТ «Ховар» бо истинод ба хадамоти матбуоти ин созмон хабар медиҳад, дар ин бора имрӯз раиси Маҷмаи Умумии СММ Волкан Бозкир иттилоъ дод.
«Маҷмаи Умумӣ мехост қатъномаро … бо роҳи эътибор қабул кунад. Қарор қабул карда шуд. Шарафмандона эълом медорам, ки Ҷаноби Олӣ Антонио Гутерриш ба муҳлати дуввум аз 1 январи соли 2022 то 31 декабри соли 2026 дабири кулли СММ таъйин шуд», — гуфт Бозкир.
Дар қатъномаи имрӯз, 18 июн қабулшуда, гуфта мешавад, ки Маҷмаи Умумии СММ Гутерришро ба ҳайси дабири кулли СММ ба муҳлати ваколаташ аз 1 январи соли 2022 то 31 декабри соли 2026 таъйин мекунад.
Гутерриш ягона номзад ба мақоми дабири кулл буд. Бори аввал ӯ 1 январи соли 2017 ба ин мансаб таъйин шуда буд. Дабири кулл ба муҳлати панҷ сол интихоб карда мешавад.
Гутерреш нӯҳумин дабири кулли СММ аст. Нахустин дабири кулли ин ташкилоти ҷаҳонӣ Трюгве Ли (Норвегия) буд. Пас аз ӯ ба ин вазифа Даг Хаммершелд (Шветсия), У Тан (Мянма), Курт Валдхайм (Австрия), Хавер Перес де Куэляр (Перу), Бутрос Бутрос-Гали (Миср), Кофи Аннан (Гана), Пан Ги Мун (Кореяи Ҷанубӣ) интихоб шуданд.
АКС аз хадамоти матбуоти СММ
Шумораи қурбониёни обхезӣ дар Чин ба 63 нафар расид
ЯК РӮЗ ДАР ТАЪРИХ. Расо 76 сол пеш дар Майдони сурхи Москва Расми гузашти таърихии Ғалаба ба ифтихори пирӯзии ИҶШС дар ҶБВ баргузор шуда буд
Дар СММ оид ба хатари баландтарини истифодаи силоҳи ҳастаӣ пас аз давраи ҷанги сард изҳор доштанд
Таҳқиқот: коронавирус ҳуҷайраҳои хуни касони беморшударо тағйир медиҳад
Меркел ҳамлаи Германияи фашистиро ба ИҶШС «мояи шармандагӣ» номид
Дар Эрон номи президенти навро эълом карданд
Шабонарӯзи охир дар ҷаҳон зиёда аз 400 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 385 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 397 ҳазор ҳолати сирояти коронавирус ошкор шуд
Шабонарӯзи охир дар ҷаҳон зиёда аз 370 ҳазор ҳолати сирояти коронавирус ошкор шуд
Дар Арабистони Саудӣ танҳо шахсони бо ваксинаҳои зидди коронавирус эмшуда метавонанд аз марказҳои тиҷоратӣ боздид намоянд
Сарони давлатҳои G7 оид ба мубориза бо пандемияҳои нав эъломия қабул карданд
