Абдухалил Холиқзода, роҳбари Бемористони «Ибни Сино»-и Душанбе: «МАН ЭМ КАРДАМ. ШУМО ЧӢ?»
ДУШАНБЕ, 21.06.2021 /АМИТ «Ховар»/. Абдухалил Холиқзода, роҳбари Бемористони «Ибни Сино»-и шаҳри Душанбе аз охирин кормандони ин муассиса буд, ки рӯзи шанбе, 19 июн бар зидди COVID-19 воксина гирифт. Дар ин бора имрӯз худи ӯ дар саҳифааш дар шабакаи иҷтимоии Fаcebook хабар додааст.
«Барои эм шудан ман чанд омилро ба ҳисоб гирифтам. Якум, воксинаҳои ба бемористони мо дода шуда ба ҳама кормандон ва ба инҷониб ҳам расид.
Дуввум, подтанҳои ман дар тӯли ин муддат поён омад ва ба 1,5 расид.
Нуктаи муҳимми дигар ин ки коршиносони ғарбӣ пас аз он сарусадоҳои қаблӣ ба чунин хулоса омаданд, ки оризаҳои эмкунӣ бамаротиб камтар аз оризаҳои бемории COVID-19 ва қобили контроланд», — навиштааст ӯ.
Тавре Абдухалил Холиқзода менависад, ба эътимоди коршиносони эпидемиолог, ягона роҳи пешгирии пандемия эмкунист. Як нафар эмшуда метавонад садди роҳи сироят ёфтани даҳҳо нафар наздиконаш гардад.
«Ёдамон наравад, ки панҷ дарсади мубталошудагон ба бемории мазкур онро вазнин мегузаронанд!», — навиштааст ӯ.
Суханони роҳбари яке аз муассисаҳои бонуфузи тиббии Тоҷикистон дар ин маврид аз рӯи илми мантиқ чунин маънӣ дар пай доранд: ман эм кардам, шумо чӣ?
Дар идомаи суханонаш Холиқзода чунин нигоштааст: «Мо бо коршиносон, ки бар аҳаммияти эмшавӣ таъкид менамоянд, ҳамнавоем ва таъкид мекунем, ки ҳар касе, ки тибқи барномарезии масъулин ба эмшавӣ дастрасӣ пайдо мекунад, бе ҳечҷистиҳола эм шавад», — таъкид намудааст роҳбари Бемористони «Ибни Сино»-и шаҳри Душанбе Абдухалил Холиқзода.
Хотиррасон мешавем, ки дирӯз аз Ҷумҳурии Мардумии Чин ба Ҷумҳурии Тоҷикистон 300 ҳазор воя ваксинаи «CoronaVaс» бар зидди бемории сироятии COVID-19 ва 300 800 адад сӯзандору ворид карда шуд. Дар ин бора ба АМИТ «Ховар» дар Вазорати тандурустӣ ва ҳифзи иҷтимоии аҳолии ҶТ хабар доданд.
Ёдовар мешавем, ки то имрӯз 116 ҳазору 341 нафар вояи якум ва 15 ҳазору 34 нафар вояи дуюмро қабул намудаанд, ки дар умум 132 ҳазору 75 нафар бо ваксина фаро гирифта шудаанд.
АКС: аз саҳифаи шахсиии А. Холиқзода дар Facebook
Нақши Президенти Тоҷикистон дар бунёди низоми муосири идоракунии давлатӣ назаррас аст
САҲМИ ПРЕЗИДЕНТИ ТОҶИКИСТОН ДАР ТАКМИЛИ ФОНДИ ОСОРХОНАИ МИЛЛӢ БУЗУРГ АСТ. Эҳдо ба Рӯзи Президент
Директори Агентии «Тоҷикстандарт»: Садоқат ба Президент, садоқат ба Ватан аст!
ПЕШВОИ РАЪИЯТПАРВАРИ МИЛЛАТ. Эҳдо ба Рӯзи Президенти Ҷумҳурии Тоҷикистон
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
