«МО БО ШУМОЕМ!». Дар Душанбе даври дуюми озмуни мазкур ҷамъбаст гардид
ДУШАНБЕ, 09.06.2021 /АМИТ «Ховар»/. Имрӯз даври дуюми Озмуни ҷумҳуриявӣ таҳти унвони «Мо бо шумоем!» дар сатҳи шаҳрӣ ҷамъбаст гардид. Даври якуми озмуни мазкур дар сатҳи ноҳияҳои пойтахт ташкил ва баргузор гардида, беҳтаринҳо ба даври дуюм- озмуни шаҳрӣ роҳхат гирифтанд. Дар даври дуюми озмуни шаҳрӣ 26 нафар довталабон аз рӯйи номинаи маҳорати суханварӣ ва қироати шеър, навохтани асбобҳои мусиқии муосир ва халқӣ рақобат намуданд.
Дар ин бора аз КИ ҲХДТ дар шаҳри Душанбе ба АМИТ «Ховар» иттилоъ доданд.
Дар номинаи суханварӣ ва қироати шеър ҷойи якумро толибаи гимназияи №2-и пойтахт Заҳро Абдуалиева, мақоми дуюмро толибилми МТМУ №48 Амрихудо Самиров ва зинаи сеюмро хонандаи гимназияи №2 Шаҳром Давлатов ишғол намуданд.
Дар номинаи сурудхонӣ гирифтани ҷойи якум ба сокини ноҳияи Фирдавсӣ Хатиҷа Муслимова, мақоми дуюм ба хонандаи МДТИШМ барои кӯдакони нобино ва сустбин Мубориз Каримов ва зинаи сеюм ба хонандаи Муассисаи давлатии таҳсилоти ибтидоии шабонарӯзии махсус (МДТИШМ) барои кӯдакони нобино ва сустбин Ҷовидони Баҳриддин насиб гардид.
Дар номинаи навохтани асбобҳои мусиқии муосир ва халқӣ ҷойи якумро хонандаи мактаб-интернати №2-и пойтахт Абубакр Нуралиев ва ҷойи дуюмро толибилми мактаб-интернати гунгу карҳо Эҳсони Абдулҳай соҳиб шуданд.
Ғолибони озмун бо диплом ва туҳфаҳои таъсиснамудаи Кумитаи тадорукот қадрдонӣ гардиданд.
Мавриди зикр аст, ки Кумитаи иҷроияи Ҳизби Халқии Демократии Тоҷикистон дар шаҳри Душанбе бахшида ба 30-юмин солгарди Истиқлоли давлатии Ҷумҳурии Тоҷикистон озмуни шаҳрии «Мо бо шумоем!»-ро дар толори Донишгоҳи давлатии тиббии Тоҷикистон ба номи Абӯалӣ ибни Сино бо иштироки Раиси Кумитаи иҷроияи Ҳизби Халқии Демократии Тоҷикистон дар шаҳри Душанбе Иброҳим Мирзозода баргузор намуд.
Мақсад аз баргузории озмуни мазкур, пеш аз ҳама татбиқи дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон, муҳтарам Эмомалӣ Раҳмон дар самти дастгирии ҷавонони лаёқатманд, қишрҳои осепазири ҷомеа, инкишофи қобилияти эҷодӣ, таҳкими эҳсоси худогоҳию худшиносӣ ва баланд бардоштани завқи бадеии кӯдакону наврасони маъюб, арҷ гузоштан ба арзишҳои миллию фарҳангӣ, ташвиқу таблиғи ғояҳои созандаи ҳизб ва сазовор истиқбол намудани 30-солагии Истиқлоли давлатии Ҷумҳурии Тоҷикистон мебошад.
АКСҲО аз КИ ҲХДТ
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
