Муҳоҷирони меҳнатӣ метавонанд тавассути қатора ба Россия биоянд: қоидаҳои нави вуруд

Июнь 7, 2021 14:08

ДУШАНБЕ, 07.06.2021 /АМИТ «Ховар»/. Муҳоҷирони меҳнатӣ метавонанд ба Россия на танҳо тавассути ҳавопаймо, балки ба  тариқи роҳи оҳан низ бираванд. Тавре АМИТ «Ховар» бо истинод ба «Sputnik» хабар медиҳад, дар ин бора  дирӯз муовини сарвазири Федератсияи Россия Марат Хуснуллин иттилоъ додааст.

«Мо кӯшиш мекунем, ки тавозуни манфиатҳоро пайдо кунем ва мувофиқа кардем, ки механизми мувофиқакунонӣ ва интиқоли неруи кориро аз ҷониби ширкатҳои калон сода гардонем. Ин боиси  тағйирот дар низомнома гардид», — гуфт ӯ дар Форуми байналмилалии иқтисодии Санкт-Петербург (ПМЭФ).

Дар ҳамин ҳол, вай афзуд, ки ҷиҳати ҷилавгирӣ аз паҳншавии сирояти коронавирус муҳоҷирон ҳатман барои муайян кардани мавҷудияти COVID-19 ташхис карда хоҳанд шуд.

«Ҳоло онҳо метавонанд танҳо тавассути ҳавопаймо биоянд, мо имкони омадани онҳоро аз тариқи роҳи оҳан баррасӣ кардем, яъне ин ба зиёд шудани теъдоди онҳо мусоидат хоҳад кард», — шарҳ дод ӯ.

Ба гуфтаи вай, ҳоло дар Россия камбуди неруи корӣ дар сохтмонҳо тақрибан як миллион нафарро ташкил медиҳад ва вазъро изтиробангез  номид. Бо ҳамин сабаб, нархи захираҳои меҳнатӣ дар Россия 50-100% зиёд шудааст.

Дар ҳамин ҳол Кирилл Пуртов сардори Раёсати сиёсати иқтисодӣ ва рушди пойтахт гуфт, ки тақрибан 7000 муҳоҷири меҳнатӣ бо дархостҳои 13 ширкат ба зудӣ ба Москва хоҳанд омад.

Ба гуфтаи ӯ, инҳо асосан — шаҳрвандони Ӯзбекистон мебошанд.

Вай ёдовар шуд, ки Маркази муҳоҷирати Москва ба қарибӣ дар Ӯзбекистон намояндагии худро ифтитоҳ кард. Таъсиси намояндагӣ пеш аз ҳама ба талаботи зиёд ба неруи кории хориҷӣ вобастагӣ дорад.

«Ҳоло мо дархостҳои 14 ширкатро барои интиқоли 6800 муҳоҷир — асосан шаҳрвандони Ҷумҳурии Ӯзбекистонро тасдиқ кардем», — гуфт Пуртов.

Муовини шаҳрдори Москва оид ба сиёсати иқтисодӣ ва робитаҳои молӣ — заминӣ Владимир Ефимов маҳдудиятҳои мавҷудаи вуруди муҳоҷирони меҳнатиро ба Россия аз ҳад зиёд номид.

АКСИ: © Sputnik / Алексей Филиппов

Июнь 7, 2021 14:08

Хабарҳои дигари ин бахш

AЛФА, БЕТА, ГАММА … СУТ қарор кард, ки штаммҳои коронавирусро бо ҳарфҳои алифбои юнонӣ номгузорӣ кунад
Шабонарӯзи охир дар ҷаҳон зиёда аз 447 ҳазор ҳолати сирояти коронавирус ошкор шуд
Олими амрикоӣ аз таҳдиди COVID-26 ва COVID-32 ҳушдор дод
БАШОР АСАД БОЗ ПРЕЗИДЕНТИ СУРИЯ ИНТИХОБ ШУД. Димишқ пирӯзии ӯро бо мушакпаронӣ ва сайругашти густурда таҷлил намуд
СММ ҳамлаи маргбор ба мактаб дар Кобулро маҳкум намуд
Дабири кулли СММ дар бораи афзоиши рекордии ҳарорати Замин дар тӯли 3 миллион сол изҳори назар кард
Бар асари обхезӣ дар Афғонистон 34 нафар ҳалок шуданд
Раиси ноҳияи Бодканд ва чанд мансабдори дигари Қирғизистон аз вазифаҳои худ сабукдӯш карда шуданд
Кишти кӯкнор дар Афғонистон афзоиш ёфтааст
Дар Хинҷони Афғонистон аз ҷониби гурӯҳи «Толибон» ҳафт нафар намозгузорон кушта шуданд
Мавҷи нави бесуботӣ дар Афғонистон. 118 нафар ҷангҷӯёни гурӯҳи «Толибон» маҳв карда шуданд
Ҷангҷӯёни «Толибон» дар вулусволии Шоҳвали Кути вилояти Қандаҳор пули бузурги сарбанди оби «Даҳла»-ро таркониданд