Расман: бозии даври 1/8-ниҳоии Лигаи қаҳрамонҳои КФО-2021 байни дастаҳои «Истиқлол» ва «Персеполис» дар Душанбе баргузор мешавад
ДУШАНБЕ, 23.06.2021 /АМИТ «Ховар»/. Конфедератсияи футболи Осиё (КФО) Душанберо макони баргузории бозии марҳилаи 1/8-ниҳоии Лигаи қаҳрамонҳои КФО-2021 дар минтақаи Ғарб байни дастаҳои «Истиқлол»-и Тоҷикистон ва «Персеполис»-и Эрон тасдиқ кард. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Бозии мазкур 14 сентябр дар Варзишгоҳи марказии ҷумҳуриявии Душанбе баргузор гардида, вақти оғози он баъдтар тасдиқ карда мешавад.
Бозии дигари даври 1/8-ниҳоӣ байни дастаҳои «Шарҷа»-и АМА ва «Ал-Ваҳда»-и АМА дар Аморати Муттаҳидаи Араб баргузор мешавад.
Бо қарори КФО, ду бозии дигари марҳилаи 1/8-ниҳоии Лигаи қаҳрамонҳои КФО-2021 дар минтақаи Ғарб байни дастаҳои «Эстеғлол»-и Эрон – «Ал-Ҳилол»-и Арабистони Саудӣ ва «Ал-Наср»-и Арабистони Саудӣ – «Трактор»-и Эрон бояд дар майдонҳои бетараф гузаронида шаванд.
Бояд гуфт, ки аз рӯи натиҷагирии марҳилаи гурӯҳии Лигаи қаҳрамонҳои КФО-2021, қаҳрамони Тоҷикистон — «Истиқлол»-и Душанбе бо гирифтани 10 хол дар гурӯҳи «А» ҷойи аввалро ишғол кард.
Акс аз ФФТ
ЛИГАИ ЧЕМПИОНҲОИ ОСИЁ. 4 декабр дар Варзишгоҳи марказии шаҳри Душанбе нишасти хабарии пеш аз бозии дастаҳои «Истиқлол» ва «Ал-Наср» доир мешавад
ЛИГАИ ЧЕМПИОНҲОИ ОСИЁ. Пагоҳ дар Душанбе бозии даври шашуми марҳилаи гурӯҳӣ байни дастаҳои «Истиқлол» ва «Ал-Наср» баргузор мешавад
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Паҳлавонони тоҷик аз Чемпионати ҷаҳон оид ба кураш бо 4 медали биринҷӣ ба Ватан баргаштанд
ЧЕМПИОНАТИ ТОҶИКИСТОН -2023. Дастаи футболи «Истиқлол»-и шаҳри Душанбе пеш аз муҳлат ғолиб гардид
Дар шаҳри Хуҷанд Мусобиқаи байналмилалӣ оид ба шиноварӣ баргузор гардид
Ҳарифони паҳлавонони шинохтаи тоҷик дар мусобиқаи Tokyo Grand Slam-2023 оид ба ҷудо муайян шуданд
Дастаи мунтахаби футболи Тоҷикистон дар раддабандии ФИФА се зина боло рафт
ҶОМИ КФО-2023/24. «Равшан» боз бо «Марв»-и Туркманистон мусовӣ намуд
ҶОМИ КФО-2023/24. Имрӯз дастаҳои «Равшан»-и Тоҷикистон ва «Марв»-и Туркманистон бозӣ менамоянд
