Ҳарифони дастаи мунтахаби ҷавонони Тоҷикистон дар Ҷоми Осиё-2022 муайян шуданд

Июль 9, 2021 17:12

ДУШАНБЕ, 09.07.2021 /АМИТ «Ховар»/. Имрӯз, 9 июл дар шаҳри Тошканди Ҷумҳурии  Ӯзбакистон маросими қуръакашии мусобиқаи интихобии Ҷоми Осиё-2022 байни дастаҳои ҷавонони то 23-сола баргузор шуд. Тибқи натиҷаҳои қуръакашии марҳилаи интихобии Ҷоми Осиё-2022, дастаи мунтахаби ҷавонони то 23 -солаи  Тоҷикистон   дар гурӯҳи «В» бозӣ мекунад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Рақибони дастаи мунтахаби ҷавонони то 23- солаи  Тоҷикистон   Эрон, Лубнон ва Непал хоҳанд буд. Бозиҳои мазкур аз 23 то 31 октябри соли равон  дар шаҳри  Душанбе баргузор мешаванд. Дар натиҷа  43 даста ба 11 гурӯҳ тақсим карда шуданд. Минтақаи Ғарб аз 6 гурӯҳ ва дар Шарқ аз 5 гурӯҳ иборат мебошанд.

Мавриди зикр аст, ки  бозиҳои мусобиқаи интихобии Ҷоми Осиё-2022 дар минтақаи Ғарб дар Тоҷикистон, Баҳрайн, Урдун, Кувайт, Қатар ва Аморати Муттаҳидаи Араб баргузор мешаванд. Дар минтақаи Шарқ, мизбони гурӯҳҳо Муғулистон, Индонезия, Сингапур ва Тайбэйи Чин хоҳанд буд. Ёдовар мешавем, ки ба қисми ниҳоии Ҷоми Осиё-2022, ки аз 1 то 19 июни соли оянда дар Ҷумҳурии Ӯзбакистон баргузор мешавад, ғолибони ёздаҳ гурӯҳ ва чаҳор дастаи беҳтарин, ки ҷойҳои дуюмро гирифтанд, роҳ меёбанд.

Натиҷаи қуръакашии Ҷоми Осиё-2022 (U-23):

Минтақаи Ғарб

Гурӯҳи «А»: Сурия, Қатар (мизбон), Яман, Шри-Ланка.

Гурӯҳи «В»: Эрон, Тоҷикистон (мизбон), Ливан, Непал.

Гурӯҳи «С»: Ироқ, Баҳрайн (мизбон), Афғонистон, Малдив.

Гурӯҳи «D»: Арабистони Саудӣ, Бангладеш, Қувайт (мизбон), Ӯзбекистон.

Гурӯҳи «Е»: АМА (мизбон), Умон, Ҳиндустон, Қирғизистон.

Гурӯҳи «F»: Урдун (мизбон), Фаластин, Туркманистон.

Минтақаи Шарқ

Гурӯҳи «G»: Австралия, Чин, Индонезия (мизбон), Бруней.

Гурӯҳи «Н»: Кореяи ҷанубӣ, Сингапур (мизбон), Тимори Шарқӣ, Филиппин.

Гурӯҳи «I»: Ветнам, Мянма, Гонконг, Тайбэйи Чин (мизбон).

Гурӯҳи «J»: Таиланд, Малайзия, Лаос, Муғулистон (мизбон).

Гурӯҳи «К»: ҶХДК, Ҷопон, Камбоҷа.

Июль 9, 2021 17:12

Хабарҳои дигари ин бахш

Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад