Ба раванди таълим нафарони ғайриихтисос низ ҷалб шудаанд,-бардошт аз нишасти матбуотӣ

Июль 30, 2021 10:36

ДУШАНБЕ, 30.07.2021 /АМИТ «Ховар»/. Имрӯз масъалаи муҳими соҳаи маориф таъмини муассисаҳои таълимӣ бо кадрҳои хуби соҳаи касбӣ мебошад. Мутаассифона, барои таъмин намудани сифат ҳанӯз ҳам дар соҳа мушкилиҳо боқӣ мондаанд. Дар баробари норасоии кадрҳои омӯзгорӣ, инчунин нафарони ғайриихтисос низ ба раванди таълим ҷалб карда шудаанд, ки ин ба сифати таълим ва баланд бардоштани дониши фаннии хонандагон таъсири манфӣ мерасонад. Аз таҳлилҳо бармеояд, ки эҳтиёҷ  ба  кадрҳои  омӯзгорӣ  дар  муассисаҳои таҳсилоти  умумӣ  барои  соли  таҳсили 2021-2022  2166 нафар пешниҳод шудааст, ки нисбат ба соли таҳсили 2020-2021  828 нафар кам мебошад.  Норасоии кадрҳои омӯзгорӣ дар миқёси ҷумҳурӣ 2166 нафарро ташкил медиҳад, ки бештари онҳо аз фанҳои забони русӣ (229 нафар), забони англисӣ (274 нафар), математика ва геометрия (191 нафар), технологияи информатсионӣ (176 нафар), технология-таълими меҳнат (84 нафар), физика ва астрономия (82 нафар) мебошанд.

Дар ин бора 29 июл зимни нишасти матбуотии Агентии назорат дар соҳаи маориф ва илми назди Президенти Ҷумҳурии Тоҷикистон директори ин ниҳод Шоҳин Саидзода ба доираи васеи хабарнигорон хабар дод.

Зимни нишаст зикр шуд, ки Агентии назорат дар соҳаи маориф ва илми назди Президенти Ҷумҳурии Тоҷикистон имсол ҷиҳати муайян намудани сифати таҳсилот ва донишазхудкунии хонандагону донишҷӯён дар 499 муассисаи таълимӣ-  441 муассисаи таҳсилоти миёнаи умумӣ, 18 муассисаи таълимии дорои мақоми ҷумҳуриявӣ (литсей, гимназия), 20 муассисаи таҳсилоти ибтидоии касбӣ, 15 муассисаи таҳсилоти миёнаи касбӣ ва 5 муассисаи таҳсилоти олии касбӣ санҷиши сатҳи сифати таҳсилот ва аттестатсияи давлатӣ гузаронид.

Натиҷаи санҷишҳо муайян намуд, ки дар муқоиса ба солҳои қаблӣ дар самти асосҳои меъёрии ҳуқуқӣ ва мустаҳкам намудани заминаи моддию техникӣ тағйироти мусбат ба мушоҳида мерасад.


Вобаста ба сатҳи донишазхудкунӣ ё аз худ намудани барномаи таълимии хонандагон чунин хулоса карда шуд, ки сатҳи донишазхудкунӣ ё аз худ намудани барномаи таълимӣ (баҳоҳои 3, 4 ва 5) дар муассисаҳои таълимии санҷидашуда 75,5 фоиз ва сифати дониш (баҳои 4 ва 5) 36,1 фоизро ташкил намудааст, ки ин нишондиҳанда ба талаботи меъёрӣ ҷавобгӯ нест. Инчунин зикр шуд, ки омилҳои асосии паст рафтани сатҳи сифати таҳсилот дар муассисаҳои таҳсилоти миёнаи умумӣ- ин норасоии омӯзгорони соҳибкасб, ба талаботи рӯз ҷавобгӯ набудани пояи моддию техникӣ, аз ҷумла тибқи барномаҳои таълимӣ муҷаҳҳаз нагардонидани кабинетҳо ва озмоишгоҳҳои таълимӣ мебошад. Дар робита ба ин, теъдоди омӯзгорони ғайрикасбӣ, ғайриихтисос ва норасоии онҳо дар муассисаҳои таҳсилоти миёнаи умумии шаҳру ноҳияҳои санҷидашуда  ба назар мерасад.

 

АКС аз АМИТ «Ховар»

Июль 30, 2021 10:36

Хабарҳои дигари ин бахш

Ҳайати Бонки ҷаҳонӣ бо татбиқи лоиҳаи «Беҳтар намудани хизматрасонии тиббӣ» дар вилояти Суғд шинос шуд
ОГОҲИИ АГЕНТИИ ОБУҲАВОШИНОСӢ: 21-22 октябр дар Тоҷикистон ҳаво номусоид шуда, борон ва дар доманакӯҳҳо барф меборад
Маликшо Неъматзода зимни сафар ба Бадахшон бо татбиқи ҷамъиятии қонунгузории меҳнат шинос шуд
Вазорати тандурустии Тоҷикистон аз татбиқи муваффақонаи ислоҳоти маблағгузорӣ дар соҳаи тандурустӣ хабар дод
Татбиқи «Лоиҳаи фавқулодаи муқовимат ба вируси COVID-19 дар Тоҷикистон» мавриди баррасӣ қарор гирифт
Мушкилоти муҳоҷирони тоҷик дар деҳаи Шубини шаҳри Воронежи Федератсияи Русия ҳал гардид
15 октябр — Рӯзи умумиҷаҳонии мубориза бо саратони ғадуди ширӣ. 90 фоизи гирифторони ин бемориро занҳои аз 40-сола боло ташкил медиҳанд
Дар Тоҷикистон мехоҳанд Шӯрои ҷамъиятӣ оид ба ҳуқуқи маъюбон таъсис диҳанд
Риояи тозагӣ зиндагии мардумро бароҳат, гуворо ва бехатар мегардонад. 15 октябр — Рӯзи умумиҷаҳонии дастони тоза
Ваколатдор оид ба ҳуқуқи инсон аз муассисаи ислоҳии ЯС 3/1-и Сарраёсати иҷрои ҷазои ҷиноятии Вазорати адлия дидан намуд
Дар ноҳияи Кӯшониён бинои анбори маҳсулоти ғайриозуқа барои аҳолии аз офати табиӣ зарардида ифтитоҳ ёфт
Ҳазорон нафар шаҳрвандони Тоҷикистон дар Русия ба «афви муҳоҷиратӣ» дохил шудаанд