Дар шаҳри Уфа мулоқоти Консули генералии Ҷумҳурии Тоҷикистон бо Сарвазири Ҷумҳурии Бошқирдистон доир гардид

Июль 5, 2021 14:20

ДУШАНБЕ, 05.07.2021 /АМИТ «Ховар»/. Консули генералии Ҷумҳурии Тоҷикистон дар шаҳри Уфа Саид Эмом бо Сарвазири Ҷумҳурии Бошқирдистон Андрей  Назаров  мулоқот намуд.

Тавре хабарнигори махсуси АМИТ «Ховар» дар Федератсияи Россия Садбарги БОҚӢ иттилоъ медиҳад,  дар мулоқоти мазкур аз ҷониби Ҷумҳурии Бошқирдистон ҳамчунин муовини аввали Сарвазир-вазири рушди иқтисод ва сиёсати иноватсионии Ҷумҳурии Бошқирдистон Рустам Муратов, Раиси Кумитаи давлатии равобити иқтисодӣ Маргарита Болийчева ва роҳбари намояндагии Вазорати корҳои хориҷии Федератсияи Россия дар шаҳри Уфа Венер Галиакбаров иштирок намуданд.

Зимни суҳбат Сарвазири Ҷумҳурии Бошқирдистон Андрей Назаров оид ба дастовардҳои имрӯзаи Ҷумҳурии Бошқирдистон дар соҳаҳои гуногун, аз ҷумла иқтисодиёт ва нақлиёт, саноату савдо, маорифу фарҳанг ва сайёҳӣ изҳори назар намуда,  дар идома доир ба муносибатҳои  Ҷумҳурии Тоҷикистон ва Ҷумҳурии Бошқирдистон, ки солҳои охир дар соҳаҳои маорифу фарҳанг, иқтисоду савдо ва сайёҳӣ  дахл намуда, онро нек  арзёбӣ кард. Номбурда ҳамчунин изҳор дошт, ки дар оянда низ ҷиҳати рушди ҳамкории мутақобилаи судманд қадамҳои устувор хоҳем гузошт.

Консули генералии Ҷумҳурии Тоҷикистон дар шаҳри Уфа Саид Эмом дар навбати худ оид ба рушди ҳамкории судманд байни Ҷумҳурии Тоҷикистон ва Ҷумҳурии Бошқирдистон дар соҳаҳои иқтисодиёту нақлиёт, саноат, энергетика, маорифу фарҳанг инчунин, оид ба ҷалби соҳибкорони ҳарду кишвар баҳри ҳамкории муштарак ва иҷозати сафари муташаккилонаи  муҳоҷирони меҳнатӣ дар шароити ҳамагирии бемории коронавирус (COVID-19) изҳори назар намуда, инчунин доир ба фазои сармоягузорӣ дар соҳаҳои афзалиятноки кишвар, аз қабили гидроэнергетика, кишоварзӣ, сайёҳӣ ва саноатҳои кӯҳиву сабук маълумот дод.

Дар идомаи суҳбат ба саҳми иштирокчиёни вохӯрӣ оид ба омодагии ҷонибҳо ҷиҳати сафари Президенти Федератсияи Россия Владимир Путин   ба Ҷумҳурии Тоҷикистон ва иштирок   дар ҳамоиши ҷашнии сарони кишварҳои узви Созмони ҳамкории Шанхай ва чорабиниҳои   раёсати Ҷумҳурии Тоҷикистон дар Созмони ҳамкории Шанхай  барои солҳои 2020-2021, ки ба 20 -солагии таъсис ёфтани Созмони мазкур рост меояд, маълумот дод.

Ҳамчунин ба иштирокчиёни вохӯрӣ пешниҳод гардид, ки ҳангоми сафари расмии Президенти Федератсияи Россия ба Ҷумҳурии Тоҷикистон, созишномаи   хамкорӣ байни Ҷумҳурии Бошқирдистон  ва вилояти Хатлон ба имзо расонида шавад, ки инро Сарвазири Ҷумҳурии Бошқирдистон Андрей Назаров  хуш пазируфт.

Дар идомаи суҳбат пешниҳод гардид, ки бо дарназардошти   бемории сироятии коронавирус (COVID-19) ва  ҷой доштани баъзе маҳдудиятҳо дар марзҳо, ҷиҳати ҳалли роҳҳои ҷалби дастаҷаъмонаи муҳоҷирони меҳнатии кишвар ва ширкати онҳо дар сохтмони иншоотҳои бузург ва соҳаҳои гуногуни Ҷумҳурии Бошқирдистон, ки ба нафъи тарафайн мебошад, ҳар ду ҷониб кӯшиш ба харҷ диҳанд.

Дар  раванди тавсеаи ҳамкориҳо баргузории форумҳои соҳибкорон  ва намоишгоҳҳои тиҷоратӣ ба мақсади дастрасӣ ба афзоиши ҳаҷми гардиши мол миёни ду кишвар, ҷалби сармоя ҷиҳати татбиқи тарҳҳои муштарак, таъсиси корхонаҳои  саноатӣ, рушди ҳамкориҳо миёни минтақаҳои озоди иқтисодӣ ва саноатӣ дар соҳаҳои афзалиятнок барои   ҳар ду ҷониб   муҳим арзёбӣ гардид.

Июль 5, 2021 14:20

Хабарҳои дигари ин бахш

Дар Боку масъалаи баргузории Конфронси оби СММ-2023 дар Ню-Йорк баррасӣ гардид
Шараф Шерализода бо роҳбари Дафтари минтақавии СММ оид ба коҳиши хатари офатҳо Октавиан Бивол мулоқот намуд
Доир ба нақши Президенти Тоҷикистон дар танзими масоили Афғонистон китоби нави Муҳаммадӣ Сафолзода ба нашр расид
Давлатшоҳ Гулмаҳмадзода бо Вазири илм ва таҳсилоти олии Федератсияи Россия Валерий Фалков мулоқот намуд
Сафири Тоҷикистон ба Подшоҳи Таиланд эътимоднома тақдим намуд
Тоҷикистон ва Чехия масъалаҳои ҳамкорӣ миёни ду кишварро баррасӣ карданд
Дар Кувайт масъалаи баргузории Конфронси оби СММ-2023 дар Ню-Йорк баррасӣ гардид
Сафорати Тоҷикистон дар Россия аз ҳамватанон даъват намуд, ки танҳо ба маълумоти расмӣ таваҷҷуҳ намоянд
Файсал ибни Фарҳон Оли Сауд: «Равобити Тоҷикистон ва Подшоҳии Арабистони Саудӣ ба таври афзоянда рушд мекунанд»
Дар Душанбе мулоқоти вазирони корҳои хориҷии Тоҷикистон ва Арабистони Саудӣ баргузор гардид
Тоҷикистон ва Туркманистон дурнамои муносибатҳои дуҷонибаро дар бахшҳои мухталиф баррасӣ карданд
Сафорати Россия дар Душанбе паёмҳо дар бораи даъвати муҳоҷирон ба хидмати низомиро «фейк» номид