Дар Суғд ва Хатлон филиали Донишкадаи сайёҳӣ, соҳибкорӣ ва хизмат таъсис дода мешавад

Июль 21, 2021 15:15

ДУШАНБЕ, 21.07.2021 /АМИТ «Ховар»/. Дар оянда дар вилоятҳои Суғд ва Хатлон филиали Донишкадаи сайёҳӣ, соҳибкорӣ ва хизмат таъсис дода мешавад. Дар ин хусус 21 июл дар нишасти матбуотӣ ба расонаҳои хабарӣ Ректори Донишкадаи сайёҳӣ, соҳибкорӣ ва хизмат Убайдулло Асрорзода иттилоъ дод.

Бо натиҷагирӣ аз фаъолияти Донишкадаи сайёҳӣ, соҳибкорӣ ва хизмат имсол Убайдулло Асрорзода зикр намуд, ки раванди таълим дар ин давра дар Донишкада тибқи барномаҳои таҳсилотӣ ва нақшаҳои таълимӣ, ки аз тарафи Вазорати маориф ва илми ҷумҳурӣ тасдиқ шудаанд, сурат гирифта, дар оғози соли таҳсили  2020-2021  дар Донишкада ҳуҷҷатҳои меъёрӣ-ҳуқуқӣ, нақшаҳои таълимӣ ва барномаи таҳсилотӣ барои 56 ихтисос таҳия гардиданд, ки барои самаранок ба роҳ мондани раванди таълим мусоидат намуданд.

Зикр шуд, ки дар доираи иҷрои нақшаи чорабиниҳои Солҳои рушди деҳот, сайёҳӣ ва ҳунарҳои мардумӣ ва зарурати омодасозии кадрҳои соҳаи сайёҳӣ аз рӯи 9 ихтисоси риштаи сайёҳӣ таҳсил ба роҳ монда шуд. Аз ибтидои соли таҳсили 2021-2022 боз аз рӯйи 4 ихтисоси нав дар ин самт таҳсил шурӯъ мегардад. Ҳамзамон дар  баробари гурӯҳҳои амалкунандаи таҳсилашон бо забони англисӣ дар зинаи бакалавр боз аз рӯйи ихтисоси «Менеҷмент дар соҳаи сайёҳии байналмилалӣ» гурӯҳи таҳсилаш бо забони англисӣ ташкил гардид.

Бо иқдоми роҳбарияти  Донишкада  дар ин давра аз фанҳои таълимии бахшҳои гуманитарӣ, иқтисодию иҷтимоӣ ва табиатшиносию риёзӣ  дар маҷмӯъ 29 адад китоби дарсӣ, васоити таълимӣ ва дастури методӣ аз фанҳои гуногуни таълимӣ таҳия ва нашр гардиданд. Инчунин  барои пешбурди фаъолият аз рӯйи 15 ихтисоси нав, аз ҷумла 3 ихтисос дар факултети муштараки Донишкадаи сайёҳӣ, соҳибкорӣ ва хизмат ва Донишгоҳи давлатии сайёҳӣ ва хизмати Россия аз ҷониби Агентии назорат дар соҳаи маорифи назди Президенти Ҷумҳурии Тоҷикистон иҷозатнома гирифта шуд.

Бо дахли сатҳу сифати таҳсил дар Донишкада Убайдулло Асрорзода изҳор дошт, ки дар шашмоҳаи аввали соли равон пайваста дар гурӯҳҳои таълимӣ-академӣ мониторинги сифати таҳсилот гузаронида шуд, ки тибқи натиҷаҳо,  донишазхудкунии донишҷӯёни донишкада ба 84,3 фоиз расид. Инчунин соли равон 11 монографияи илмӣ, 4 китоби дарсӣ, 8 воситаи таълимӣ, 17 дастури методӣ, 8 рисолаи илмӣ, 423 мақолаи илмӣ, аз ҷумла 68  мақолаи илмии дар маҷаллаҳои илмии аз ҷониби Комиссияи олии аттестатсионии назди Президенти Ҷумҳурии Тоҷикистон тақризшаванда, 58 мақолаи илмӣ аз маводи конфронсҳои байналмилалӣ, 312 мақолаи илмӣ аз маводи конфронсҳои ҷумҳуриявӣ ва 48 мақолаи илмӣ-оммавӣ нашр гардиданд, ки нишондиҳандаҳои мазкур нисбат ба ҳамин давраи соли гузашта 3,7 фоиз зиёд мебошанд.

Июль 21, 2021 15:15

Хабарҳои дигари ин бахш

Роҳбарияти Донишгоҳи байналмилалии сайëҳӣ ва соҳибкории Тоҷикистон дар Биржаи байналмилалии сайёҳии Милан-2025 иштирок намуд
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд