Маркази миллии қонунгузорӣ: 53 лоиҳаи санадҳои меъёрии ҳуқуқӣ аз экспертиза гузаронида шуд
ДУШАНБЕ, 19.07.2021 /АМИТ «Ховар»/. Дар нимсолаи аввали соали 2021 53 лоиҳаи санадҳои меъёрии ҳуқуқӣ аз экспертизаи ҳуқуқӣ гузаронида шуда, барои аз ҷиҳати илмиву амалӣ асоснок намудани онҳо, мукаммалу мушаххас гардонидани механизми татбиқи қонунҳо ва бартараф намудани камбудиҳои ҷойдошта, ба субъектони ҳуқуқэҷодкунанда 300 таклифҳои асоснок манзур гардид. Дар ин бора имрӯз, 19 июл директори Маркази миллии қонунгузории Ҷумҳурии Тоҷикистон Саидзода Иззатулло дар зимни нишасти матбуотии ба доираи васеи намояндагони ВАО хабар дод.
Ҳамчунин зикр гардид, ки бо мақсади баланд бардоштани фарҳанги ҳуқуқии аҳолӣ ва ягонакунии истилоҳоти қонунгузорӣ дар давраи ҳисоботӣ аз ҷониби Марказ 423 истилоҳоти ҳуқуқӣ коркард гардид, ки дар заминаи он Фарҳанги истилоҳоти ҳуқуқӣ нашр карда мешавад. Дар давраи ҳисоботӣ таҳқиқотҳои илмию таҳлилӣ низ гузаронида шуда, аз натиҷаи онҳо кормандони Марказ 56 мақолаҳои илмӣ ва оммавӣ дар мавзӯъҳои гуногуни соҳаҳои ҳуқуқ нашр намуданд.
Ёдовар мешавем, ки аз ҷониби Марказ дар ин давра Маҷмӯи санадҳои меъёрии ҳуқуқӣ оид ба гузаронидани таҳлили таъсири танзимкунӣ дар Ҷумҳурии Тоҷикистон, 7 тафсири қонунҳо ва дигар маводи илмӣ таҳия ва нашр гардид.
Инчунин дар интиҳо таъкид гардид, ки Маркази миллии қонунгузорӣ дар самтҳои дигари муқаррарнамудаи қонунгузорӣ низ фаъолияти самарабахш дошта, пайваста баҳри пешбурди фаъолиятҳои ҳуқуқэҷодкунӣ ва рушди қонунгузории кишвар тадбирҳои зарурӣ меандешад.
АКС аз бойгонӣ
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
Имрӯз дар шаҳри Душанбе ҳаво то 40 дараҷа гарм мешавад
