ОБУ ҲАВО: Имрӯз дар Тоҷикистон ҳаво камабри тағйирёбанда шуда, раъду барқ ба амал меояд

ДУШАНБЕ, 31.07.2021 /АМИТ “Ховар”/. Имрӯз дар ҷумҳурӣ ҳаво камабри тағйирёбанда шуда, дар ноҳияҳои кӯҳӣ бориши сусти борон ва раъду барқ ба амал меояд.  Дар ин бора аз  Агентии обуҳавошиносии Тоҷикистон ба АМИТ «Ховар» хабар доданд. 

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, дар ноҳияҳо бориши сусти борон ба амал меояд.  Шамол аз самти шарқ бо гузариш ба ғарб бо суръати 3-8 ва дар ноҳияҳои алоҳида бо шиддати то 10-15 метр дар як сония мевазад.  Чангу ғубор боқӣ мемонад. Ҳаво дар ғарби вилоят шабона 18+23 ва  рӯзона 31+36  дараҷа гарм мешавад.  Дар шарқи вилоят ҳаво  шабона 5+10 ва рӯзона  20+25  дараҷа гарм мешавад.

Ҳаво дар вилояти Суғд камабр ва тағйирёбанда шуда, дар ноҳияҳои алоҳидаи кӯҳӣ бориши сусти борон ва раъду барқ ба амал меояд.   Шамол  аз самти шарқ бо гузариш ба ғарб бо суръати 4-9  ва дар ноҳияҳои алоҳида бо шиддати то 13-18 метр дар як сония мевазад. Чангу ғубор боқӣ мемонад. Ҳаво  дар водиҳо шабона 19+24  ва рӯзона 34+39 дараҷа гарм мешавад. Дар ноҳияҳои кӯҳӣ ҳаво шабона 10+15  дараҷа гарм ва рӯзона 26+31 дараҷа гарм мешавад.

Дар вилояти Хатлон  ҳавои  камабри  бебориш  дар назар аст. Шамол аз самти шарқ бо гузариш ба ғарб бо суръати 3-8 ва дар ноҳияҳои алоҳида бо шиддати то 13-18 метр дар як сония мевазад. Чангу ғубор боқӣ мемонад. Ҳаво дар водиҳо шабона 21+23  ва рӯзона 36+41  дараҷа гарм мешавад.  Дар доманакӯҳҳо ҳаво шабона 18+23 ва рӯзона 31+36 дараҷа гарм мешавад.

Дар шаҳру ноҳияҳои тобеи марказ ҳаво камабр ва тағйирёбанда шуда, дар ноҳияҳои алоҳидаи кӯҳӣ бориши сусти борон ва раъду барқ ба амал меояд.  Шамол аз самти шарқ бо гузариш ба ғарб бо суръати 4-9 ва дар ноҳияҳои алоҳида бо шиддати то 12-17 метр дар як сония мевазад.  Туфони чангу ғубор боқӣ мемонад. Ҳаво  дар водиҳо  шабона 19+24  дараҷа гарм ва рӯзона 34+39  дараҷа гарм мешавад.  Дар ноҳияҳои кӯҳӣ ҳаво шабона 12+17 ва рӯзона  31+36 дараҷа гарм мешавад.

Дар  шаҳри Душанбе ҳаво камабр ва тағйирёбандаи бебориш мешавад. Раъду барқ ба амал меояд. Шамол аз самти шарқ бо гузариш ба ғарб бо суръати 3-8 ва дар баъзе ҳолатҳо бо шиддати то 7-12  метр дар як сония мевазад. Чангу ғубор боқӣ мемонад. Ҳаво шабона  20+22  ва рӯзона 37+39 дараҷа гарм мешавад.