ТАҚВИМИ АМИТ «ХОВАР»: имрӯз 9 июл, ҷумъа, 190-умин рӯзи соли 2021 аст

Июль 9, 2021 08:00

9 июли соли 2010 дар тарабхонаи «Суҳбати дӯстон»- и шаҳри Истаравшан бо иштироки Президенти Ҷумҳурии Тоҷикистон муҳтарам Эмомалӣ Раҳмон тӯйи хонадоршавии 10 ҷуфти ҷавон ва хатнатӯйи 40 кӯдак аз оилаҳои камбизоат баргузор гардид.

***

9 сол пеш, 9 июли соли 2012  Президенти мамлакат муҳтарам  Эмомалӣ Раҳмон ва Сафири Фавқулода ва Мухтори вақти Америка дар Тоҷикистон Кеннет Гросс масоили гуногунҷанбаи ҳамкории Тоҷикистону ИМА-ро баррасӣ намуданд.

***

Дар ин рӯзи соли 2015 дар шаҳри Уфа-пойтахти Ҷумҳурии Бошқирдистони Федератсияи Россия Сарвари давлат муҳтарам Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Россия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи «Роҳҳои баланд бардоштани некуаҳволии мардумони кишварҳои мо» баргузор шуд, иштирок ва суханронӣ намуданд.

9 ИЮЛ ТАҶЛИЛ КАРДА МЕШАВАД:

Рӯзи байналмилалии теннис.

***

Дар Озарбойҷон – Рӯзи кормандони сохторҳои хизмати дипломатӣ.

***

Дар Аргентина — Рӯзи Истиқлолият.

***

Дар Қазоқистон – Рӯзи Хадамоти андоз.

РӮЙДОДҲО:

9 июли соли 1996 дар Ҷумҳурии Тоҷикистон аз тарафи ширкати муштараки Тоҷикистону Голландия «Тоҷик Тел» мавҷи телефонӣ сар дода шуд.

***

9 июли соли  1788 Коннектикут Иёлати панҷуми ИМА шуд.

***

73 сол муқаддам, 9 июли соли 1948 Созмони байналмилалии меҳнат Конвенсияи ҳифзи ҳуқуқи иттиҳодияҳоро қабул намуд.

***

9 июли соли 1952 Ҷумҳурии Демократии Германия  (ГДР) дар бораи таъсис додани сотсиализм қарор қабул кард.

***

Дар ин рӯзи соли 1957 дар ҷадвали химиявии Менделеев 102-юмин элементи химиявӣ кашф карда шуд. Элементи навро донишмандоне, ки дар Швейтсария фаъолият мекарданд, ба хотири Алфред Нобел «Нобелий» номгузорӣ намуданд.

***

9 июли  соли 1961 Юнон дар бораи дохил шудан ба Иттиҳоди иқтисодии Аврупо қарор қабул кард.

***

9 июли соли 2006 дар давраи ниҳоии Чемпионати ҷаҳон оид ба футбол дар Германия дастаи мунтахаби Италия дастаи Франсияро дар силсилазарбаҳои 11-метра (вақти асосӣ 1:1) мағлуб намуд ва маротибаи 4-ум чемпиони чаҳон шуд.

ИНЧУНИН ДАР ИН РӮЗ…

Соли 1988  варзишгари немис Габриэла Ранш барои партофтани гурз ба масофаи 76 метру 80 сантиметр рекорди ҷаҳонӣ гузошт.

***

Соли 1997 чемпиони ҷаҳон Майк Тайсон барои раҳоӣ ёфтан аз дасти ҳарифи худ дар майдони ҳарб гӯши ӯро газид ва аз бозӣ ронда шуд.

Июль 9, 2021 08:00

Хабарҳои дигари ин бахш

Маводҳои таҳлилӣ