«Танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд»,-бардошт аз Слёти геологҳои ҷавон

Июль 26, 2021 11:40

ДУШАНБЕ, 26.07.2021. /АМИТ «Ховар»/. Имрӯз дар Саридораи геологияи назди Ҳукумати Ҷумҳурии Тоҷикистон бахшида ба 30-солагии Истиқлоли Ҷумҳурии Тоҷикистон Слёти VIII геологҳои ҷавон баргузор гардид.

Тавре аз Саридораи геология ба мухбири АМИТ «Ховар» иттилоъ доданд, Слёти навбатии геологҳои ҷавон дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», солҳои 2020-2040 ва​ Озмуни ҷумҳуриявии «Илм — фурӯғи маърифат» баргузор гардид. Зимни ифтитоҳи ҷамъомад зикр шуд,  ки дар сатҳи ҷумҳурӣ бори ҳаштум аст, ки Слёти геологҳои ҷавон  баргузор мешавад. Ҳадафи асосии Слёти геологҳои ҷавон ҷалби наврасону ҷавонон ба омӯзиши илмҳои бунёдӣ, кашфи истеъдодҳои нодири соҳаи геология, тақвият бахшидан ба раванди омӯзиши илмҳои табиатшиносӣ, дақиқ ва риёзӣ, тавсеаи тафаккури наврасону ҷавонон арзёбӣ  гардид.

Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода зикр кард, ки​ ​ ​ дар ҷомеаи имрӯза барои пешбурди соҳаҳои мухталифи иқтисоди миллӣ мавқеи ҷавонон хеле муҳим аст. Чунки ин қишри ҷомеа дорои афкори тозаю нав ва неруи муҳими пешбарандаи иқтисодӣ буда, истифодаи васеи фановарии муосирро дар истеҳсолот ба хубӣ таъмин карда метавонанд.

«Дар шароити ҷаҳони пурҳаводиси муосир бисёр муҳим аст, ки ҳамеша зираку ҳушёр ва барои ҳимояи манфиатҳои халқи тоҷик ва давлати тоҷикон омода бошед. Ба андешаи ман, дар ҷаҳони  муосир танҳо донишҳои зеҳнӣ ва фарҳанги техникӣ метавонанд ба муқобили ақидаҳои хурофотию ифротӣ сипар шаванд”,- муроҷиат намуд И. Оймуҳаммадзода ба наврасону ҷавонон.


Слёти геологҳои ҷавон, ки ҳамасола дар сатҳи баланди ташкилӣ доир карда мешуд, имсол бо сабаби пандемия дар сатҳи маҳдуд доир гардид.

Дар​ слёт асосан​ мактаббачагоне, ки ба омӯзиши илмҳои табиатшиносӣ таваҷҷуҳ доранд, иштирок менамоянд. Дар он хонандагони мактабҳои кишвар бо маҳорату кордонӣ доир ба соҳаи геология қувваозмоӣ намуда, ҳамчунин малакаҳои нави касбиро аз худ менамоянд.

Муҳим он аст, ки бо ҷалби наврасону ҷавонон ба соҳаи геология муносибати  онҳо ба табиат, ҳифз ва нигоҳдории сарватҳои табиӣ ва аз ҳама муҳим муҳаббат ба Ватани хеш комилан тағйир меёбад. Дар гузашта низ чунин чорабиниҳо гузаронида шуда, натиҷаҳои назаррас ҳам медоданд.  Имрӯз дар соҳа кадрҳои ҷавони лаёқатманд гирд омада, аксари онҳо мутахассисони ҳирфаӣ гардидаанд.  Ҳоло ки рушди бахшҳои иқтисодию иҷтимоии кишвар ба рушди соҳаи геология, хусусан саноати кўҳӣ вобаста аст, омўзиши қаъри замин ва иктишофи конҳои канданиҳои фоиданок аз ҷониби геологони ҷавон ба мақсад мувофиқ мебошад.

Иштирокчиёни тадбири имсола​ дар мавзӯъҳои “Мафҳумҳои асосии геология ва вазифаҳои он”, “Тектоникаи плитаҳо ва нақши онҳо дар ташаккулдиҳии музофоти металлогенӣ”, “Мушоҳидаҳои комплексӣ дар кӯли Сарез”, “Таъсири фарсоиш ба ҷинсҳои кӯҳӣ ва минералҳо”, “Сангҳои рангаи Помир”, “Лаъли Бадахшон”, “Корҳои ҷустуҷӯӣ дар майдони пегматитдор” ва “Манбаҳои тиллои пошхӯрда” маърӯзаҳо пешниҳод карданд.

Аъзои ҳакамон аз  байни онҳо  беҳтаринҳоро интихоб намуданд. Ғолибон ба Слёти геологҳои  ҷавони ИДМ, ки баргузории он моҳи августи соли равон дар назар аст,  роҳхат гирифтанд.

Ҳамаи иштирокчиёни Слёти геологҳои ҷавон бо медал, Диплом ва Сипосномаи Саридораи геологияи назди Ҳукумати Ҷумҳурии Тоҷикистон  қадрдонӣ шуданд.

Июль 26, 2021 11:40

Хабарҳои дигари ин бахш

Пешвои миллат Эмомалӣ Раҳмон дар шаҳри Бӯстон корхонаи парандапарварии ҶДММ «Суғд-саноат-паранда»-ро ба истифода доданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Парандапарвар-2017»-ро ифтитоҳ намуданд
Президенти Тоҷикистон Эмомалӣ Раҳмон дар шаҳри Хуҷанд корхонаи нави ҶДММ «Текстилимпекс»-ро мавриди истифода қарор доданд
Пешвои миллат Эмомалӣ Раҳмон дармонгоҳи бачагонаи стоматологии шаҳриро дар Хуҷанд мавриди истифода қарор доданд
Сарвари давлат Эмомалӣ Раҳмон дар шаҳри Хуҷанд кӯдакистони «Меҳросо» — ро ифтитоҳ намуданд
Имрӯз маҷлиси навбатии Ҳукумати Ҷумҳурии Тоҷикистон баргузор гардид
Сарвари давлат Эмомалӣ Раҳмон дар ноҳияи Ҷаббор Расулов ба фаъолияти ҳавзи моҳипарварӣ оғоз бахшиданд
Пешвои миллат Эмомалӣ Раҳмон дар ноҳияи Спитамен Қасри «Сомониён»-ро ифтитоҳ ва ба 100 ятими кулл туҳфаҳо тақдим намуданд
Президенти Тоҷикистон Эмомалӣ Раҳмон аз хоҷагии ёрирасони шуъбаи Вазорати корҳои дохилӣ дар ноҳияи Ҷаббор Расулов боздид карданд
Сарвари давлат Эмомалӣ Раҳмон бо фаъолияти корхонаи парандапарварии ҶДММ «Файзи саҳар»-и ноҳияи Спитамен шинос шуданд
Пешвои миллат Эмомалӣ Раҳмон дар ноҳияи Шаҳристон Фермаи парандапарварии ҶДММ «Мурғи Шаҳристон»-ро ифтитоҳ намуданд
Президенти мамлакат Эмомалӣ Раҳмон дар ноҳияи Шаҳристон ба ҷамъоварии ҳосили картошка оғоз бахшиданд ва аз намоишгоҳи кишоварзӣ боздид карданд

Маводҳои таҳлилӣ