Ҷаласаи махсуси «Омодагии фарогир ва амалӣ ба Конфронси оби СММ дар соли 2023» дар шакли видеоконфренсия баргузор гардид
ДУШАНБЕ, 26.08.2021 /АМИТ «Ховар»/. 25 август дар чаҳорчӯби Ҳафтаи ҷаҳонии об-2021 таҳти раисии муовини Вазири корҳои хориҷии Ҷумҳурии Тоҷикистон Шараф Шерализода ва муовини вазири тиҷорати хориҷӣ ва ҳамкории Подшоҳии Нидерланд хонум Китти ван дер Ҳейден ҷаласаи махсуси «Омодагии фарогир ва амалӣ ба Конфронси оби Созмони Милали Муттаҳид дар соли 2023 (Ню-Йорк)» дар шакли видеоконференсия баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ш. Шерализода дар бораи ҳадаф, вазифа ва дигар мавзӯъҳои раванди омодагӣ ба Конфронси оби СММ, таҳияи иқдомҳои муштараки кишварҳои узви СММ ҷиҳати роҳандозии тадбирҳои зарурӣ, масъалаҳои тадорукотии Конфронси навбатии байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028» соли 2022 дар Душанбе, ки ҳамчун чорабинии муҳими ҷаҳонии тадорукотӣ ба Конфронси СММ оид ба бознигарии фарогири Даҳсолаи амал (дар Ню-Йорк, 2023) пешбинӣ шудааст, суханронӣ кард.
Ҷонибҳо аҳамияти раванди омодагии комил ба Конфронси оби СММ дар соли 2023-ро таъкид намуда, идомаи ҳамкории муштарак дар чаҳорчӯби нишастҳои байналмилалии соҳавӣ, ҷаласаҳои СММ, машваратҳои вежаи Гурӯҳи дӯстони об ва дигар абзорҳои ҳамкориро муҳим донистанд.
Миёни иштирокдорони нишасти маҷозӣ дар бораи нақша ва барномаи ҳамкории баъдӣ табодули андеша сурат гирифт.
Қобили зикр аст, ки 21 декабри 2020 Маҷмаи Умумии СММ дар иҷлосияи 75-уми худ лоиҳаи қатъномаи Тоҷикистонро таҳти унвони “Конфронси СММ оид ба бознигарии миёнамуддати фарогири ҳадафҳои Даҳсолаи байналмилалии амал “Об барои рушди устувор”, 2018-2028” бо иттифоқи оро ва ҳаммуаллифии 190 кишвари узви СММ қабул намуд. Мувофиқи қатънома 22-24 марти соли 2023 дар Ню-Йорк таҳти мизбонии Тоҷикистон ва Нидерланд Конфронси оби СММ-2023 баргузор хоҳад шуд.
Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.
АКС аз ВКХ ҶТ
Шараф Шерализода бо Дабири кулли Иттиҳоди байнипарлумонӣ мулоқот намуд
РАВАНДИ ОБИ ДУШАНБЕ. Шабакаи «Abu Dhabi TV» ҳадафҳои Конфронси байналмилалии обро шарҳ дод
Сафири Тоҷикистон бо Вазири корҳои хориҷии Давлати Кувайт мулоқот намуд
РАВАНДИ ОБИ ДУШАНБЕ. Вазири корҳои хориҷии Тоҷикистон ба ҷомеаи байналмилалӣ муроҷиат намуд
Дар Москва Конфронси байналмилалӣ оид ба муаррифии «Устувонаи Куруши Кабир» баргузор гардид
Ҳайати Тоҷикистон бо Сарвазири Ҷумҳурии Озарбойҷон мулоқот намуд
Дабири кулли САҲА саҳми Тоҷикистонро дар таҳкими сулҳу субот дар минтақа баланд арзёбӣ намуд
РАВАНДИ ОБИ ДУШАНБЕ. Дар Миср нақши Тоҷикистон дар пешбурди масъалаҳои ҷаҳонии об баррасӣ гардид
Сафири Тоҷикистон бо муовини вазири корҳои хориҷии Арабистони Саудӣ мулоқот намуд
Беш аз 300 хабарнигори ватанӣ ва хориҷӣ Конфронси оби Душанбе-2026-ро инъикос менамоянд
Дар қароргоҳи СММ дар Ню Йорк бахшида ба Рӯзи байналмилалии морхӯр чорабинӣ доир гардид
Дар Абузабӣ Конфронси оби Душанбе ҳамчун минбари муҳими муколамаҳои ҷаҳонӣ муаррифӣ гардид
