Александр Лукашенко: «Президенти Тоҷикистон тӯли даҳсолаҳо ҳушдор медод… Маълум гашт, ки ӯ то чи андоза ҳақ будааст!»

Август 30, 2021 17:19

ДУШАНБЕ, 30.08.2021. /АМИТ “Ховар”/. Президенти Беларус Александр Лукашенко имрӯз зимни мулоқот бо Сафири фавқулодда ва мухтори Тоҷикистон Маҳмадшариф Ҳакдод доир ба ҷузъиёти гуфтугӯҳои худ ин субҳ бо сарони кишварҳои хориҷӣ дар бораи Афғонистон ибрози назар кард, — иттилоъ медиҳад АМИТ “Ховар” бо истинод ба агентии иттилоотии “БелТА”.

 «Худи ҳоло бо Президенти шумо (Президенти Тоҷикистон Эмомалӣ Раҳмон. Тавзеҳи “БелТА”) суҳбат доштам. Давоми ним соат, ҳамчун дӯсти наздик, ӯ дар бораи вазъ дар Афғонистон  нақл кард. Зимнан, бисёр маълумоти нав гирфтам, ки дар воситаҳои ахбори омма нашунидаам ва надидаам. Вазъияти хеле ҷиддӣ ва муташанниҷ. Ман аз ӯ хеле миннатдорам, зеро ӯ ба ман ҳама чизеро, ки дар он ҷо рӯй медиҳад, ошкоро нақл кард. Имрӯз барои мо кор бо Тоҷикистон ва дигар ҷумҳуриҳо хеле муҳим аст”, — гуфт Сарвари давлат.

Ӯ зикр намуд, ки Тоҷикистон бо Афғонистон сарҳади тӯлонӣ дорад. «Сарҳадро таҳким бахшидан лозим аст, вазъият дар сарҳад мураккаб аст. Дар замони Шӯравӣ ҳам мушкил буд. Ҳоло мушкилтар гардидааст»,-таъкид кард Сарвари Беларус.

Александр Лукашенко изҳор дошт, ки ҳамаи ин бар дӯши мардуми тоҷик ва Тоҷикистон афтодааст. » Медонам, ки шумораи кофии нафаронеро, ки сарҳадро ҳимоя мекунанд, доред. Бароято восита ва аслиҳаи муосир лозим аст»,- гуфт ӯ.

Зимни суҳбати телефонӣ, аз ҷумла бо Эмомалӣ Раҳмон рушди мавзеъгирии муштарак, ҳамоҳангсозии мавқеъ дар бораи Афғонистон тавассути СААД-СҲШ баррасӣ шуд. «Мо ҳамаи инҳоро ба дӯши Эмомалӣ Шарифович зимни мулоқот дар Душанбе дар миёнаҳои моҳи сентябр (он ҷо саммити СААД ва СҲШ баргузор мешавад. — Тавзеҳи “БелТА”) гузоштем», — гуфт Сарвари давлати Беларус.

Александр Лукашенко ба сафир муроҷиат намуда, иброз дошт, ки мулоқот бо ӯ дар остонаи сафараш ба Тоҷикистон муҳим аст. «Аз ҳар ҷиҳат, шумо (ҷониби Тоҷикистон. — Тавзеҳи “БелТА”) назар ба ҳамаи ҷумҳуриҳои дигар ва ҳатто давлатҳои ҷаҳон маълумоти бештар доред. Ман комилан мутмаинам.   Шумо ҳатто нисбат ба Иёлоти Муттаҳида, ки бевосита дар он ҷо кор мекунанд, маълумоти бештар доред»,- зикр намуд Сарвари Беларус.

Сарвари давлат дар ин замина зикр кард, ки Президенти Тоҷикистон, шояд гуфтан мумкин аст, дар тӯли даҳсолаҳост аз рушди бениҳоят хатарноки вазъ дар Афғонистон ҳушдор медод: «Мо ҳамаашро гӯш кардем, фаҳмидем (дар ҳамаи гӯшаҳои олам вазъ нотинҷ аст) ва эҳтимол онро ҳамчун як ҳодисаи оддӣ қабул кардем. Маълум гашт, ки ӯ (Президенти Тоҷикистон. — Тавзеҳи АМИТ “Ховар”) то чӣ андоза ҳақ будааст!»

«Бо назардошти ин, мо имрӯз бо Владимир Владимирович Путин ҳам суҳбат кардем, мехоҳам бо Мирзиёев (Президенти Узбекистон Шавкат Мирзиёев. — Тавзеҳи “БелТА”) низ дар бораи вазъ дар он минтақа суҳбат кунам, то ки пеш аз ҷаласаи СААД тасаввуроти возеҳ пайдо кунам.  Хама ба пешниҳоди ман дар бораи гузаронидани машваратҳо дар доираи СААД — СҲШ розӣ шуданд. Ҳамаи ин   дар Душанбе  баргузор мешавад — раҳбарон дар он ҷо хоҳанд буд. Ва барои мо муҳим аст бубинем, ки СҲШ дар кадом мавқеъ қарор хоҳад гирифт», — гуфт Александр Лукашенко.

 

Август 30, 2021 17:19

Хабарҳои дигари ин бахш

Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
АГЕНТИИ НАЗОРАТИ ЭНЕРГЕТИКӢ ТАЪСИС ДОДА ШУД. Дар қонунгузории Тоҷикистон барои истифодаи ғайриқонунии неруи барқ ҷавобгарии ҷиноятӣ пешбинӣ гардид
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ