Ба хатмкунандагони Маркази таълимии раёсати Қӯшунҳои сарҳадии КДАМ дар шаҳри Хоруғ шаҳодатномаи тахассусӣ супорида шуд
ХОРУҒ, 01.08.2021 /АМИТ «Ховар»/. Дар қисми марзбонии Раёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, мустақар дар шаҳри Хоруғ маросими тантанавии супурдани шаҳодатнома ба хатмкунандагони курсҳои Маркази таълимӣ баргузор гардид.
Ба гуфтаи сардори ситоди Раёсати Қӯшунҳои сарҳадии КДАМ дар Вилояти Мухтори Кӯҳистони Бадахшон Наврӯз Шералиев, “ин шаҳодатномаҳо ба сарбозоне, ки баҳори соли равон ба хизмати Ватан даъват шуда буданд, супурда мешаванд. Давоми зиёда аз се моҳ наваскарон бо истифода аз технологияи муосир ихтисосҳои алоқачӣ, мерган, норинҷакандоз, нозукиҳои силоҳҳои сабуку вазнин ва ошпазиро аз худ намуданд. Ногуфта намонад, ки баъзе аз сарбозон ин ихтисосҳоро ҳанӯз дар муассисаҳои таҳсилоти миёнаи умумӣ дар курсҳои назди Кумитаи ташкилоти мададгори мудофиаи ҷумҳурӣ ёд гирифта буданд. Боварӣ дорам, ки шаҳодатномаҳои мазкур барои сарбозон баъди ба поён расондани хизмат низ ба кор меоянд ва онҳо метавонанд дар идораву муассисаҳои давлатию бахши хусусӣ фаъолият намоянд”.
Сарбози қаторӣ Мизробшо Нозиров аз дарсҳои назариявию амалии Маркази таълимӣ ситоиш намуда, изҳор дошт, ки «яке аз муҳимтарин хусусиятҳои технологияи таълим- ин гузоштани мақсад дар назди шогирдон мебошад. Мақсад меъёрест, ки ҳар шахс дар назди худ мегузорад ва барои расидан ба он талош мекунад. Омӯзгорон ҳангоми таҳияи тарҳи ягон мақсад фикру мулоҳизаи сарбозонро ҳам ба назари эътибор мегирифтанд. Чунин тарзи таълим барои аз худ намудани мавзӯи дарс бештар мусоидат мекунад. Ман имрӯз Маркази таълимиро бо ихтисоси алоқачӣ хатм кардам ва умедворам, ки дар оянда ба ягон донишкадаи техникӣ дохил шуда, касбамро боз ҳам такмил диҳам. Ба роҳбарияти Маркази таълимӣ ва ҳамаи устодон сипоси бепоён баён мекунам».
Дар ин рӯз ҳамчунин як гурӯҳ сарбозону афсарони қисми марзбонӣ бо ифтихорномаи Раёсати кор бо ҷавонон ва варзиши вилоят сарфароз гардонида шуданд.
Аксҳо аз АМИТ «Ховар»
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
