Боз як ширкати нав вориди бозори сайёҳии Тоҷикистон гардид
ДУШАНБЕ, 24.08.2021 /АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон аз ворид гардидани боз як ширкат ба бозори сайёҳии мамлакат хабар медиҳад. Дар ҷаласае, ки дар Кумитаи рушди сайёҳии назди Ҳукумати мамлакат доир гардид, Раиси Кумитаи рушди сайёҳии назди Ҳукумати ҷумҳурӣ Тоҷиддин Ҷӯразода ба роҳбари ширкати навтаъсиси «Шумон» Бахтовар Аминзода иҷозатнома супорид, иттилоъ доданд аз Кумитаи рушди сайёҳии назди Ҳукумати ҷумҳурӣ ба АМИТ «Ховар».
Ширкати «Шумон» дар шаҳри Ҳисор таъсис ёфта, ҳадафаш рушди туризми дохилӣ бо фарогирии сайёҳии табобатӣ, фарҳангӣ, аграрӣ ва экологӣ мебошад. Тавре дар суҳбат ба хабарнигори АМИТ «Ховар» роҳбари ширкати сайёҳии «Шумон» Бахтовар Аминзода гуфт, «дар оянда ният дорем ҳамкориро бо ширкатҳои сайёҳии ҷумҳурӣ ва кишварҳои хориҷӣ, хусусан давлатҳои Осиёи Марказӣ тавсеа бахшем. Алҳол бо яке аз ширкатҳои сайёҳии Узбекистон- «Самарқанд тревел» вориди гуфтушунид шудаем».
Кумитаи рушди сайёҳии назди Ҳукумати ҷумҳурӣ инчунин муҳлати фаъолияти ширкати «Вояж тур»-ро тамдид намуд. Роҳбарони ширкатҳои сайёҳии навтаъсис аз дастгириҳои пайвастаи Ҳукумати ҷумҳурӣ арзи сипос намуда, омодагии худро барои ташкили барномаҳои ҷолиб ва хатсайрҳои нави сайёҳӣ ҷиҳати ҷалби бештари сайёҳон изҳор доштанд.
Дар заминаи имтиёзҳои дар соҳаи сайёҳӣ пешниҳоднамудаи Ҳукумати Ҷумҳурии Тоҷикистон фаъолияти бахши хусусӣ густариш ёфта, шумораи ширкатҳои сайёҳӣ, меҳмонхонаҳо ва дигар инфрасохтори хизматрасонии бахши сайёҳӣ дар ҷумҳурӣ зиёд гардид. Ин тадбирҳо ба рушди деҳот, хусусан устувор гаштани соҳаи сайёҳӣ дар мамлакат таъсири мусбат мерасонанд. Ҳоло дар бозори сайёҳии Тоҷикистон беш аз 230 ширкати сайёҳӣ фаъолият дошта, дар рушди сайёҳӣ дар мамлакат саҳми муносиб мегузоранд.
АКСҲО аз Кумитаи рушди сайёҳии назди Ҳукумати ҶТ
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
