Дар Бадахшон ҷаласаи Шӯрои собиқадорони мақомоти корҳои дохилӣ доир шуд
ДУШАНБЕ, 27.08.2021 /АМИТ «Ховар»/. Дар толори Раёсати Вазорати корҳои дохилӣ дар ВМКБ ҷаласаи Шӯрои собиқадорони мақомоти корҳои дохилии шаҳру ноҳияҳои вилоят дар назди муовини якуми Вазири корҳои дохилии Ҷумҳурии Тоҷикистон, сардори Ситоди байниидоравии макомоти ҳифзи ҳуқуқ ва таъмини амният дар вилоят, генерал-лейтенанти милитсия Абдураҳмон Аламшозода баргузор шуд, ки дар он масъалаҳои таъмини ҳифзи сарҳади давлатӣ, тартиботи ҷамъиятӣ, пешгирии ҷинояткорӣ ва дигар масъалаҳои ҷорӣ баррасӣ гардиданд, иттилоъ медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Раиси Шӯрои собиқадорони мақомоти корҳои дохилии ВМКБ Рустам Имомбердиев зимни ироаи масъалаҳои марбут ба фаъолияти Шӯро давоми соли равон зикр кард, ки аъзои Шӯрои собиқадорони мақомоти корҳои дохилӣ дар РВКД ВМКБ дар самти пешгирии ҷинояткорӣ, таъмини тартиботи ҷамъиятӣ, ҳифзу ҳимояи сарҳади давлатӣ, мубориза бо гурӯҳҳои муташаккили ҷиноятӣ ва гардиши ғайриқонунии маводи мухаддир фаъолияти назаррас нишон медиҳанд.
Собиқадорони мақомоти корҳои дохилӣ зимни ҷаласаи Шӯро иброз доштанд, ки барои баланд бардоштани малакаи касбӣ ва фаъолияти хизматии кормандони ҷавони милитсия саҳми назаррас мегузоранд.
Муовини якуми Вазири корҳои дохилӣ А.Аламшозода, роҳбари Ситоди байниидоравии мақомоти ҳифзи ҳуқуқ ва таъмини амният дар вилоят аз даргириҳо ва авзои ноамну ногувори минтақа ва ҷаҳон ёдовар шуда, таъкид намуд, ки гурӯҳҳои террористиву экстремистӣ ҳар лаҳза метавонанд ба оромӣ ва сулҳу суботи кишвар халал расонанд.
Мавсуф афзуд, ки «дар пеш чорабиниҳои муҳими сиёсӣ, аз қабили 30-солагии Истиқлоли давлатии Ҷумҳурии Тоҷикистон, 20-солагии Созмони Ҳамкории Шанхай (СҲШ) ва Созмони Аҳдномаи амнияти дастҷамъӣ (СААД) дар Ҷумҳурии Тоҷикистон таҷлил карда мешаванд ва ҳар яки моро зарур аст, ки зиракии сиёсиро аз даст надода, барои сазовор ҷашн гирифтани маъракаҳои муҳими сиёсӣ масъулияти баланд нишон диҳем».
АКС аз ВКД ҶТ
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
