Дар Маркази тиҷоратии «Ҳисор» ярмаркаи мактабӣ ташкил гардид
ДУШАНБЕ, 18.08.2021 /АМИТ «Ховар»/. Бо ибтикори мақомоти иҷроияи ҳокимияти давлатии шаҳри Ҳисор бо ҷалби корхонаҳои дӯзандагии шаҳр дар назди Маркази тиҷоратии «Ҳисор», ки бо номи «БИ-1» машҳур аст, ярмаркаи фурӯши либос ва лавозимоти мактабӣ ташкил гардид. Дар ин хусус Мақомоти иҷроияи ҳокимияти давлатии шаҳри Ҳисор иттилоъ медиҳад.
Дар ярмарка корхонаҳои дӯзандагии «Нури ирфон» ва «Даҳбед» либосҳоеро, ки Вазорати маориф ва илми Ҷумҳурии Тоҷикистон барои мактаббачагон тавсия додааст, дар шакли шинаму зебо пешниҳоди харидорон менамоянд. Намояндагони корхонаҳои мазкур барои интихоби дуруст ба волидайн маслиҳат дода, либосҳои мақбулашонро дастрас мекунанд.
Ба андешаи савдогарон ва волидайни мактаббачаҳо, либосҳое, ки корхонаҳои дӯзандагӣ имсол омода намудаанд, аз ҷиҳати сифат нисбат ба солҳои қаблӣ беҳтар буда, нархҳояшон низ қобили қабули харидоронанд.
Ярмаркаи мактабӣ ҳамарӯза фаъолият карда, то оғози соли нави таҳсил идома меёбад.
Акс аз Мақомоти иҷроияи ҳокимияти давлатии шаҳри Ҳисор
НИШАСТИ МАТБУОТӢ. Дар Донишкадаи давлатии фарҳанг ва санъати Тоҷикистон 7 ихтисоси нав таъсис ёфт
Дар қароргоҳи Созмони Милали Муттаҳид дастовардҳои Тоҷикистон дар таҳкими сулҳу амният матраҳ гардиданд
То 1 октябри соли 2025 Лоиҳаи «Барномаи миёнамуҳлати рушд барои солҳои 2026-2030» таҳия мегардад
«МЕҲРИ МОДАР». Таҳти ин унвон бахшида ба Рӯзи Қувваҳои Мусаллаҳи Тоҷикистон иқдом баргузор гардид
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
